«ازاماتتارعا ارنالعان ۇكىمەت» مەملەكەتتىك كورپوراتسياسىندا لاۋازىمداردىڭ بىرىڭعاي ءتىزىلىمى جاسالىپ، ەڭبەكاقى تولەۋ جۇيەسى تەڭدەستىرىلگەن. بۇل ۇيىمداستىرۋشىلىق قۇرىلىمدى بىرىزدەندىرۋگە جانە وڭتايلاندىرۋعا مۇمكىندىك بەردى.

بۇعان دەيىن، 2016 جىلعى ساۋىردە قۇرىلعان مەملەكەتتىك كورپوراتسيانىڭ قۇرامىنا كىرگەن «جەر كاداسترى عىلىمي-وندىرىستىك ورتالىعى» رمك-دە، «جىلجىمايتىن مۇلىك ورتالىعى» رمك-دە، «زەينەتاقى تولەۋ جونىندەگى مەملەكەتتىك ورتالىق» رمقك-دە جانە «حالىققا قىزمەت كورسەتۋ ورتالىعى» رمك-دە ەڭبەكاقى تولەۋدىڭ بولەك-بولەك جۇيەسى جانە لاۋازىمدار تىزبەسى بولعان.

«ازاماتتارعا ارنالعان ۇكىمەت» باسقارماسى توراعاسىنىڭ ورىنباسارى ديحانباي ابەنوۆتىڭ ايتۋىنشا، قۇرىلىمدى قايتا ۇيىمداستىرۋ قولدانىستاعى ەڭبەكاقى تولەۋ قورى شەڭبەرىندە جۇرگىزىلگەن. ء«تورت مەكەمە بىرىكتىرىلگەننەن كەيىن ءبىز قۇرىلىمدىق بولىمشەلەر قۇرامىنا جانە ءاربىر باعىت اياسىنداعى قىزمەتتىڭ بولىنۋىنە تالداۋ جاسادىق. جالاقى دەڭگەيىنىڭ تەك كاسىپورىنداردىڭ وزىندە عانا ەمەس، باسقا وڭىرلەردە دە ايىرماسى بولدى»، - دەدى ابەنوۆ.

سونداي-اق، بىرىزدەندىرۋ اياسىندا باسشىلىق قۇرامنىڭ سانى 53%-عا وڭتايلاندىرىلدى. مۇندا بىردە ءبىر قىزمەتكەر جۇمىستان بوساتىلعان جوق. مەملەكەتتىك كورپوراتسيانىڭ بارلىق قىزمەتكەرلەرىنە ولاردىڭ ماماندىقتارىنا، كاسىبى مەن بىلىكتىلىگىنە سايكەس جاڭا لاۋازىمدار ۇسىنىلدى.

ديحانباي ابەنوۆ: «ازاماتتارعا ارنالعان ۇكىمەت» مەملەكەتتىك كورپوراتسياسىن قۇرۋ مەملەكەتتىك قىزمەتتەردىڭ باسىم بولىگىن بىرىڭعاي قۇرىلىمعا بىرىكتىرىپ قانا قويعان جوق. قۇرىلىمدىق بولىمشەلەردىڭ باسشىلىق اكىمشىلىك شتاتىن وڭتايلاندىرۋ بىزگە مەملەكەتتىك قىزمەت سالاسىندا سىبايلاس جەمقورلىقتى قۇرايتىن بيۋروكراتيالىق كەدەرگىدەن ارىلۋعا مۇمكىندىك بەردى. اتاپ ايتقاندا، مەملەكەتتىك قىزمەت كورسەتۋدە ۇلكەن جۇكتەمەسى بولاتىن قاراپايىم ينسپەكتورلاردىڭ جالاقىسىن ارتتىرۋعا وڭتايلاندىرىلعاننان كەيىن بوساتىلعان قارجى باعىتتالادى. بۇل ەڭبەكاقى تولەۋ قورىن ۇلعايتپاي اق كورپوراتسيانىڭ قاراپايىم قىزمەتكەرلەرىنىڭ جۇمىس جاعدايىن جاقسارتۋعا مۇمكىندىك بەرەدى» - دەپ تۇسىندىرە وتىرىپ، قاتارداعى قىزمەتكەرلەردىڭ ايلىقاقىسىنىڭ كوتەرىلۋى  20%-دى قۇرايتىندىعىن اتاپ ءوتتى.

سونداي-اق ەڭبەكاقى تولەۋ جونىندەگى جاڭا ەرەجەدە قوسىمشا ەڭبەكاقى تولەۋ قورى قاراستىرىلعان، مۇندا جەكە جۇمىس ناتيجەسى، جۇكتەمەسى، سونداي-اق جۇمىس ءوتىلى ەسكەرىلە وتىرىپ، ىنتالاندىرۋشى قوسىمشا اقىلار مەن ءارتۇرلى ۇستەمەاقىلار بولادى.

«ازاماتتارعا ارنالعان ۇكىمەت»

مەملەكەتتىك كورپوراتسياسى»

كوممەرتسيالىق ەمەس اكتسيونەرلىك

قوعامىنىڭ ءباسپاسوز قىزمەتى

Abai.kz