ريو-دە-جانەيرودا ءوتىپ جاتقان ءحححى وليمپيادا ويىندارىندا ۇزىندىققا ءۇش قارعىپ سەكىرۋ جارىسىندا ولگا رىپاكوۆا قولا جۇلدەگە يە بولدى دەپ حابارلايدى BNews.kz.

اقتىق سايىستا 8 جەڭىل اتلەت جارىس جولىنا شىقتى. جەرلەسىمىز ءبىرىنشى مۇمكىندىگىندە 14,73 مەترگە سەكىردى. وسىلايشا، ۇزدىكتەردىڭ قاتارىنا قوسىلدى. ءتورتىنشى مۇمكىندىگىندە ولگا 14,98 مەترگە سەكىرىپ، ريو وليمپياداسىنىڭ قولا جۇلدەسىن قاناعات تۇتتى.

وكىنىشكە قاراي، جەرلەسىمىز 2012 جىلعى لوندوندا وتكەن بايراقتى باسەكەدەگى جەتىستىگىن قايتالاي المادى.

بۇل سايىستا التىن جۇلدەنى كولۋمبيالىق كاترين يبارگۋەن (15,17م) الدى. كۇمىس جۇلدە ۆەنەسۋەلالىق يۋليمار روحاسقا (14, 98م) بۇيىردى.

ەستەرىڭىزگە سالا كەتەيىك، ولگا رىپاكوۆا وسىمەن ءۇشىنشى وليمپياداسىنا قاتىسىپ وتىر. شىعىسقازاقتاندىق سپورتشى ءۇش قارعىپ سەكىرۋدەن لوندون وليمپياداسىنىڭ چەمپيونى، الەم چەمپيوناتىنىڭ كۇمىس جانە قولا جۇلدەگەرى جانە الەم بىرىنشىلىگىنىڭ جەڭىمپازى.

قازىرگى تاڭدا قازاقستان قۇراماسى جالپىكوماندالىق ەسەپتە 2 التىن، 2 كۇمىس، 4 قولامەن 16-شى ورىندا تۇر.

اباي-اقپارات