بۇگىنگى تاڭدا ەلىمىزدە كاسىپكەرلىك سالاسى كەڭ قانات جايىپ، جىل سايىن كاسىپكەرلىكپەن اينالىسۋشىلار سانى ارتىپ كەلەدى. بۇل تۋرالى «Abai.kz» پورتالى وڭتۇستىك قازاقستان وبلىسى، تۇلكىباس اۋدانى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

وسى ماقساتتا ءوز كاسىبىن اشىپ، دوڭگەلەتىپ، مەملەكەت تاراپىنان بەرىلىپ وتىرعان مۇمكىندىكتەردى دۇرىس پايدالانىپ وتىرعان تۇلكىباستىقتار ءوزىن جانە ورتاسىن جۇمىسپەن قامتىپ، كاسىپكەرلىكپەن اينالىسۋدا. ويتكەنى تۇلكىباس اۋدانى كەز-كەلگەن كاسىپتىك ىسكە قولايلى ايماق، جەرى شۇرايلى، سۋى مول، كۇرە جولدىڭ بويىندا ورىن تەپكەن.

ماسەلەن، جىل باسىنان بەرى اۋداندا 106 ازامات ءوزىن اشۋعا، مەملەكەت تاراپىنان بەرىلىپ وتىرعان قارجى ۇيىمدار ارقىلى نەسيە الىپ، ءتۇرلى باعىتتا ءوز جوبالارىن جۇزەگە اسىردى. ونىڭ ىشىندە 32 كاسىپكەر «ىرىس» ميكرو قارجى ۇيىمى ارقىلى جالپى سوماسى  81 ملن تەنگە جانە 71 ازامات «اۋىل شارۋاشىلىعىن قارجىلاي قولداۋ» قورى  186,6 ملن تەڭگە، 3 كاسىپكەر «تۇلكىباس نەسيە سەرىكتەستىگى» ارقىلى جالپى سوماسى  14,2 ملن تەڭگە العان.      

جالپى  اۋداندا شاعىن جانە ورتا بيزنەستە تىركەلگەن كاسىپكەرلەر سانى 7772 بىرلىكتى قۇرايدى.

Abai.kz