«وڭتۇستىك تۇلپار» كومپانياسى 10 جىلدان بەرى جولاۋشى تاسىمالى سالاسىندا قىزمەت ەتىپ كەلەدى. وسى ۋاقىت ارالىعىندا قالاارالىق قاتىناستى ۇزبەي، ساپالى قىزمەت كورسەتكەن. بيىل سەرىكتەستىككە تاعى ەكى باعىت قوسىلىپ، جولاۋشىلاردى قۋانتىپ وتىر. كومپانياسى جۋىردا عانا مەملەكەتتىك ساتىپ الۋ كونكۋرسىندا جەڭىمپاز اتانىپ، 12 سۋ جاڭا شاعىن اۆتوبۋس ساتىپ الدى.

نۇرجان دوساەۆ، «وڭتۇستىك تۇلپار» كومپانياسىنىڭ ديرەكتورى: ء«بىز ەندى ەكى باعىتتا قىزمەت ەتەمىز. ونىڭ ءبىرى — شىمكەنت-شۇبارسۋ، ەكىنشىسى — شىمكەنت-بادام باعىتى. بۇل ءۇشىن ءبىز رەسەيدەن فورد كولىكتەرىن ساتىپ الدىق».

فورد ماركالى كولىكتەرىندە جولاۋشىلار ءۇشىن بارلىق جاعداي جاسالعان. اۆتوبۋسدىڭ ىشىندە جول باعىتتارىن كورسەتىپ تۇراتىن ديسپلەي-تەلەديدار ورناتىلعان. سونداي-اق، مۇمكىندىگى شەكتەۋلى ازاماتاردىڭ ءمىنىپ-تۇسۋىنە دە قولايلى. بۇدان بولەك كومپانيا تاعى دا 40 جاڭا اۆتوبۋس ساتىپ الىپتى. بۇل كولىكتەر باسقا وبلىستارعا قاتىنايتىن بولادى.

نۇرجان دوساەۆ، «وڭتۇستىك تۇلپار» كومپانياسىنىڭ ديرەكتورى: «ەندى ءبىز شىمكەنت-استانا، شىمكەنت-الماتى، سارىاعاش-الماتى باعىتتارىندا جول جۇرەمىز. ەڭ باستىسى — كومپانيا قالاارالىق قاتىناستى ۇزبەي، جولاۋشىلارعا ىڭعايلى جاعداي جاساۋدى ماقسات ەتەدى. ارينە، ءبىز بۇل قىزمەتتى ءبىرىنشى ورىنعا قويامىز. سوندىقتان، قىزمەتىمىزدىڭ ساپاسىنا ءارى تەحنيكالىق قاۋىپسىزدىگىنە تولىق جاۋاپ بەرە الامىز».

«وڭتۇستىك تۇلپار» كومپانياسىنا قاراستى كولىكتەر ارنايى اۆتوتۇراقتا تۇرادى. جولعا شىعار الدىندا مىندەتتى تۇردە تەحنيكالىق بايقاۋدان وتەدى. ويتكەنى جولاۋشى اماندىعى — جاۋاپكەرشىلىگى اۋىر جۇك. وسىنى ەسكەرگەن سەرىكتەستىك باسشىلارى قاۋىپسىزدىكتى سەرىك ەتىپ، ساپالى قىزمەت ەتۋدى جولعا قويعان.

Abai.kz