بۇگىن  اۋدانىمىزدا قازاقستان رەسپۋبليكاسى مەملەكەتتىك قىزمەت ىستەرى مينسترلىگىنىڭ وڭتۇستىك قازاقستان وبلىسى بويىنشا دەپارتامەنتىمەن «ازاماتتاردىڭ قۇقىقتارى مەن زاڭدى مۇددەلەرىن قورعاۋ قىزمەتىن جۇزەگە اسىرۋداعى قىزمەتتىك ەتيكا جانە جوعارى رۋحاني – ادامگەرشىلىك احۋال»اتتى تاقىرىپتا  دوڭگەلەك ۇستەل ءوتتى. بۇل تۋرالى «Abai.kz» پورتالى وقو بايدىبەك اۋدانى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

دوڭگەلەك ۇستەلگە  قازاقستان رەسپۋبليكاسى مەملەكەتتىك قىزمەت ىستەرى مينسترلىگىنىڭ وقو بويىنشا دەپارتامەنتىنىڭ سىبايلاس جەمقورلىق پروفيلاكتيكاسى باسقارماسىنىڭ باس مامانى جۇندىباەۆ عابيت ءومىرالىۇلى،

«عالامات» قوعامدىق بىرلەستىگىنىڭ جوبا كورديناتورى بايزاقوۆا سابيرا مۇراتقىزى، «كەمەل» قوعامدىق بىرلەستىگىنىڭ ءتورايىمى مالعايداروۆا گۇلسارا تۋعانبايقىزى جانە اۋدان اكىمى اپپاراتى، اۋىلدىق وكرۋگى اكىمى اپپاراتى مەن اۋداندىق دەربەس ءبولىمنىڭ مەملەكەتتىك قىزمەتشىلەرى، كوپ بالالى انالار، اجەلەر مەن انالار القاسىنىڭ ءتورايىمدارى جانە بۇقارالىق اقپارات قۇرالدارى وكىلدەرى قاتىستى.

كەزدەسۋ بارىسىندا مەملەكەتتى نىعايتۋعا، 100 ناقتى قادامدا كورسەتىلگەن كاسىبي اپپارات قۇرۋعا جانە مەملەكەتتىك قىزمەتتىڭ وڭ ءيميدجىن قالىپتاستىرۋ ماقساتى بويىنشا ماڭىزدى اقپاراتتار بەرىلىپ، «جاقسى ءداستۇر وتباسىنىڭ تىرەگى»،  «وتاندى ءسۇيۋ يماندىلىقتان باستالادى» اتتى تاقىرىپتاردا باياندامالار وقىلىپ، پسيحولوگيالىق ويىندار وتكىزىلدى.

Abai.kz