جىل باسىنان بەرى وبلىستىق، اۋداندىق ماڭىزداعى اۆتوموبيل جولدارىنا جوندەۋ  جۇمىستارى جوسپارلى جۇرگىزىلۋدە. جول قاتىناستارىنىڭ قاۋىپسىزدىگىن قامتاماسىز ەتۋ ماقساتىندا تولەبي اۋدانىندا  قاراستى ىشكى جولدارعا اۋداندىق بيۋدجەت ەسەبىنەن -111 365 000 مىڭ تەڭگە ءبولىنىپ 16,07 شاقىرىم جول كۇردەلى جوندەلدى، بولىنگەن قاراجات تولىعىمەن يگەرىلگەن. قازىرگى تاڭدا  رەسپۋبليكالىق بيۋدجەتتەن «جۇمىسپەن قامتۋ-2020» باعدارلاماسى اياسىندا اۋدانعا 220 801 مىڭ تەڭگە ءبولىنىپ،  اۋدانداعى ەلدى مەكەن كوشەلەرىنىڭ 10 جول جالپى 18,8 شاقىرىم اۆتوموبيل جولىنىڭ  جوندەۋ جۇمىستارى ساپالى اياقتالدى.

وڭتۇستىك قازاقستان وبلىستىق اۆتوموبيل جولدارى جانە جولاۋشىلار كولىگى باسقارماسى تاراپىنان اۋدانداعى وبلىستىق ماڭىزى بار 4 جول جالپى ۇزىندىعى 22,48 شاقىرىم اۆتوموبيل جولى جانە ەكى كوپىرگە وبلىستىق بيۋدجەتتەن 586 335,0 تەڭگە ءبولىنىپ ورتاشا جوندەۋ جۇمىستارى جۇرگىزىلدى.

2016 جىلى لەنگەر قالاسىنداعى جول قاۋىپسىزدىگىن ساقتاۋ ماقساتىندا بەينە باقىلاۋ قوندىرعىلارىنا 14 ملن تەنگە قاراجات ءبولىنىپ  12 جولدىڭ قيىلىسىنا قوندىرعىلار ورناتىلدى. «ابايلاڭىز بالالار» جول بەلگىسىن ورناتۋ ءۇشىن 3 253 571 مىڭ تەڭگە قاراجات ءبولىنىپ 67 مەكتەپتىڭ الدىنا بەينە تاقتا ورناتىلعان.

Abai.kz