مەملەكەتتىك قىزمەتشىلەردىڭ ءيميدجىن كوتەرۋ، تۇرعىندار اراسىندا مەملەكەتتىك قىزمەت تۋرالى وڭ پىكىر قالىپتاستىرۋ، قوعام مەن مەملەكەت تاراپىنان ەرەكشە سەنىمگە يە مەملەكەتتىك قىزمەت ينستيتۋتىنىڭ بىرەگەيلىگىن ناقتىلاۋ، سونداي-اق، مەملەكەتتىك قىزمەتشىلەردىڭ مورالدىك-ەتيكالىق بەينەسى مەن بىلىكتىلىگىنە قويىلاتىن جوعارعى تالاپتاردى تالقىلاۋ ماقساتىندا وقو مەملەكەتتىك قىزمەت ىستەرى دەپارتامەنتىنىڭ وكىلدەرى ع.جۇندىباەۆ، ا.كولاسكوۆ، «عالامات» قوعامدىق بىرلەستىگىنىڭ ءتورايىمى د.مامانوۆا، «كەمەل» قوعامدىق بىرلەستىگىنىڭ ءتورايىمى س.اكىشوۆالاردىڭ قاتىسۋىمەن اۋدان تۇرعىندارىمەن كەزدەسۋ ءوتتى.

اۋدان اكىمى اپپاراتىنىڭ باسشىسى ا.قۇرماننىڭ توراعالىعىمەن وتكەن جيىندا «ازاماتتاردىڭ قۇقىقتارى مەن زاڭدى مۇددەلەرىن قورعاۋ قىزمەتىن جۇزەگە اسىرۋداعى قىزمەتتىك ەتيكا جانە جوعارى رۋحاني – ادامگەرشىلىك احۋال»، «جاقسى ءداستۇر - يماندىلىقتان باستالادى» جانە «وتاندى ءسۇيۋ - يماندىلىقتان باستالادى» تاقىرىبىندا پسيحولوگيالىق ترەنينگتەر وتكىزىلدى. جيىندا وتكىزگەن پسيحولوگيالىق ترەنينگتەر ازاماتتاردىڭ زاڭدى مۇددەلەرى مەن قۇقىقتارىن قورعاۋدى ىسكە اسىراتىن قىزمەتشىلەردىڭ رۋحاني – ادامگەرشىلىك تالاپتارىن ارتتىرۋ، ولاردىڭ قوعامداعى ەرەكشە ءرولىن ءتۋسىندىرۋ، ءيميدجىن جانە ولارعا ازاماتتاردىڭ سەنىمدەرىن نىعايتۋدا سەپتىگى زور بولدى. كوپشىلىكتىڭ كوڭىلىنەن شىققان سەمينار-ترەنينگكە اۋدان اكىمى ەرلان ايتاحانوۆتا قاتىسىپ، كەلەلى پىكىرلەرىمەن ءبولىسىپ وتىردى.

كەزدەسۋ سوڭىندا اۋدان اكىمدىگى اۋدان تۇرعىندارىمەن كەزدەسۋ وتكىزىپ، جەكە تۇلعا رەتىندە قالىپتاسۋىنا جانە وزىنە دەگەن سەنىمدەرىنىڭ وسۋىنە ايتارلىقتاي ىقپال ەتكەن قوناقتارعا العىسىن ءبىلدىرىپ، «ۇلىلار ەلى – وتىرار» اتتى تاريحي-تانىمدىق كىتاپتارىن سىيعا تارتتى.

Abai.kz