التىن! ريوداعى العاشقى التىنىمىز! انىقتاي ايتساق، 77 كگ دەيىنگى سالماق دارەجەسىندە  زىلتەمىرشى نيجات راحىموۆ قازاقستان كومانداسىنىڭ قورجىنىنا التىن سالدى! سەرپە كوتەرۋدە ول ءۇشىنشى ورىندا تۇرعان ەدى. 165 كيلوگراممنان كەيىن ول 168 كگ-گە تاپسىرىس بەرگەن. 168 كگ ءبىزدىڭ باتىرعا باعىنعىسى كەلمەدى. الايدا، 241 كگ زىلتەمىردى جۇلقا كوتەرگەن نيجات جالپى جيىنتىعى 379 كگ-ءنى يگەرىپ رەكورد جاڭارتتى. ءسويتىپ ريو وليمپياداسىنىڭ التىنىن تاعىنىپ، ەلۇرانىمىزدى بريزيليا اسپانىندا اۋەلەتتى.

نيجاتتان سوڭ التىن الۋ «داستۇرىمىزگە» ەنسە كەرەك بالىق بالا بالاندين 2:07,46, ۋاقىت شەگىن كورسەتىپ، سۋعا ءجۇزۋ ونەرىندە ەرەن شىقتى. ديميتري بالاندينگە دە وليمپيادا التىنى بۇيىردى! جازيرامىزدىڭ كۇمىستەن القا تاعىنىپ، كۇلىمسىرەپ تۇرعان سۋرەتىن سايتىمىزدان كورىپ وتىرسىزدار. سپورتشىلارىمىز وسى قارقىندارىنان تانباسا، تاعى بىرنەشە التىن مەن كۇمىس، قولانى قورجىندارىنا سالىپ قايتۋى بەك مۇمكىن. جەڭىس جالعاسىن تابا بەرسىن.

Abai.kz