بۇگىندە قالا اۋماعىندا جول جوندەۋ جۇمىستارى قارقىندى تۇردە ءجۇرىپ جاتىر. بيىلعى جىلى جوندەۋدەن وتكەن كوشەلەردىڭ بارلىعىنا جۇرگىنشىلەر جولى قوسا سالىنادى. بۇل تۋرالى قالالىق تۇرعىن-ءۇي كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمىنىڭ باس مامانى باتىرحان قاليەۆ ايتتى.

- 2016 جىلى جەرگىلىكتى بيۋدجەتتەن 4 كوشەنىڭ ورتاشا جوندەۋ جۇمىستارىنا 118 ملن تەڭگە ءبولىنىپ وتىر. كونكۋرس وتكىزىلىپ، مەردىگەر انىقتالدى. يندۋستريالدى ايماققا بارار جولدىڭ جول جيەكتەرىندەگى بورديۋرلەر جاڭالانىپ، تروتۋار توسەلدى. اسفالتتاۋ جۇمىستارى دا ءبىتتى. ەندى م.دۋلاتوۆ، شۇلەمباەۆ، لوگينوۆ كوشەلەرى جوندەۋدەن ءوتىپ قايتا جاڭارادى - دەيدى مامان.

ال، وبلىستان بەرىلگەن سۋبۆەنتسياعا سايكەس 5 كوشەگە تروتۋار توسەلەدى. ياعني، ياساۋي داڭعىلى مەن پانفيلوۆ، ءال-فارابي، شاحتاسترويعا كىرە بەرىس كوشەلەرگە جانە ءا.مولاعۇلوۆا اتىنداعى №19 مەكتەپكە باراتىن جول جيەكتەرىنە جۇرگىنشەلەر جولى سالىنادى. سونداي-اق، اتاتۇرىك كوشەسى ورتاشا جوندەۋدەن وتەدى.

جول جوندەۋ جۇمىستارى قالاعا قاراستى اۋىلداردا دا جۇرگىزىلىپ جاتىر. «وڭىرلەردى دامىتۋ» باعدارلاماسى بويىنشا قارناق اۋىلىنا 14 ملن 370 مىڭ تەڭگە قارجى قارالىپ، ەڭبەك، ناۋرىز كوشەلەرىنە اسفالت توسەلدى. جوسپار بويىنا كۇزدە «جۇمىسپەن قامتۋ-2020» باعدارلاماسى بويىنشا تاعى 4 كوشە جوندەلمەك. ونىڭ ۇشەۋى قۇشاتا اۋىلىندا بولسا، بىرەۋى قارناقتا. اتالعان باعدارلاما اياسىندا  بايىلدىردا ەكى كوشە، حانتاعىدا ءبىر كوشە، اششىسايدا ەكى كوشە جوندەلىپ جاتىر. حانتاعى اۋىلىندا 3 كوشەگە تروتۋار تۇسەلىپ، جۇرگىنشىلەر كوپىرىنە اعىمداعى جوندەۋ جۇرگىزىلەدى.

Abai.kz