ۆلاديمير ءپۋتيننىڭ ايتۋىنشا، رەسەي تۇركياعا قارسى ەنگىزىلگەن سانكتسيالاردىڭ بارلىعىن بىرتىندەپ الىپ تاستاي باستادى. ء"بىز ساۋدا جانە ەكونوميكالىق ارىپتەستىكتى قايتا جانداندىرۋ كەرەكپىز", - دەدى ول. "بۇل پروتسەسس باستالىپ تا كەتتى، بىراق تولىق قالىپتاسۋىنا ءبىرشاما ۋاقىت كەرەك".

تۇركيا باسشىسى رەجەپ تايىپ ەردوعان رەسەيلىك ارىپتەسىن "قۇرمەتتى دوس" دەپ اتادى. ونىڭ پىكىرىنشە، ەكى مەملەكەت اراسىندا ءۇزىلىپ قالعان بايلانىستار قالپىنا كەلىپ قانا قوماي، بولاشاقتا ودان سايىن نىعايا تۇسەدى.

رەسەي مەن تۇركيانىڭ جاندالداسىپ قالۋىنا سيريا شەكاراسىندا رەسەيلىك اسكەري ۇشاقتى تۇرىكتەردىڭ اتىپ ءتۇسىرۋى سەبەپ بولعان ەدى. وعان جاۋاپ رەتىندە ماسكەۋ سانكتسيالار ەنگىزدى.

رەسەيمەن قايتا ءتىل تابىسقان تۇركيانىڭ ەندى باتىسپەن بايلانىسى السىرەپ بارادى. تۇرىك بيلىگى باتىستىق ارىپتەستەرىن اسكەري توڭكەرىس جاساۋشىلاردى اشكەرەلەۋدىڭ ورنىنا، بۇلىكشىلەرمەن كۇرەسكەن انكارا ارەكەتىنە سىن ايتۋمەن قاتتى اۋەستەنىپ كەتتى دەپ ايىپتاپ وتىر. تۇركيادا شىلدەدەگى ءساتسىز اسكەري توڭكەرىس كەزىندە 230 ادام قازا بولدى.

اباي-اقپارات