بۇگىن وڭتۇستىك قازاقستان وبلىسى قازاقستان حالقى اسسامبلەياسىنىڭ ۇيىمداستىرۋىمەن «مەدياتسيا كۇنى» رەسپۋبليكالىق اكتسياسى اياسىندا وبلىس اكىمى اپپاراتىنىڭ «قوعامدىق كەلىسىم» كمم مەدياتسيا كابينەتى اشىق ەسىك كۇنىن وتكىزدى.

اشىق ەسىك كۇنىنە سوت قىزمەتكەرلەرى، وتستاۆكاداعى سۋديالار، مەدياتسيا ورتالىقتارىنىڭ باسشىلارى، مەملەكەتتىك مەكەم قىزمەتكەرلەرى، وبلىستىق ەتنومادەني بىرلەستىك توراعالارى، قوعامدىق كەلىسىم كەڭەسىنىڭ توراعالارى مەن ورىنباسارلارى قاتىستى. 

شارانىڭ باستى ماقساتى وڭىرىمىزدە مەدياتسيا قىزمەتى سالاسىن دامىتۋدىڭ ماقساتتارى مەن مىندەتتەرىن ءتۇسىندىرۋ، مەدياتسيا ينستيتۋتىنىڭ شيەلەنىستەردى جانە داۋلاردى شەشۋدىڭ ءادىسى رەتىندە ناسيحتتاۋ، مەدياتورلاردىڭ جەرگىلىكتى مەملەكەتتىك ورگاندارمەن، سونداي-اق، ازاماتتىق ينستيتۋتتارمەن ءوزارا ءىس-ارەكەتتەرىنىڭ دامۋىنا قولداۋ كورسەتۋ، تۇرعىندارعا وبلىستاعى مەدياتسيا ورتالىقتارىنىڭ جانە قازاقستان حالقى اسسامبلەياسى مەدياتسيا كابينەتتەرىنىڭ جۇمىستارىن حاباردار ەتۋ.

اكتسيا اياسىندا سۋديالار مەن كاسىبي مەدياتورلار قوعامدىق قابىلداۋ وتكىزىپ، تۇرعىندارعا قۇقىقتىق كەڭەس بەردى.

بۇگىنگى تاڭدا، وبلىس اكىمدىگى جانىنان جانە وبلىستىڭ بارلىق اۋداندىق، قالالالىق، اۋىلدىق اكىمدىكتەرىنىڭ جانىنان بارلىعى 106 مەدياتسيا كابينەتى اشىلعان. 

اۋداندىق جانە وعان تەڭەستىرىلگەن سوتتارمەن جاساقتالعان ستاتيستيكالىق مالىمەتتەرگە سايكەس، ۇستىمىزدەگى جىلدىڭ ءبىرىنشى جارتى جىلدىعىندا 770 ازاماتتىق ىستە تاتۋلاستىرۋ راسىمدەرى قولدانىلعان.

Abai.kz