وسى اپتادا وڭتۇستىك قازاقستان وڭىرىندە، بىرقاتار كومپانيالار بويىنشا اۋىس-تۇيىستەر بولدى. 

اپتانىڭ سوڭىنا قاراي وڭتۇستىك قازاقستان وبلىسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى لاۋازىمىنا راقىمبەردى جانىسبەكۇلى مۋلكەمانوۆ تاعايىندالعانى حابارلاندى.

بۇل تۋرالى «Abai.kz» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

وڭتۇستىك قازاقستان وبلىسى اكىمىنىڭ وكىمىمەن، كونكۋرستىق ىرىكتەۋ نەگىزىندە، وڭتۇستىك قازاقستان وبلىسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى لاۋازىمىنا راقىمبەردى جانىسبەكۇلى مۋلكەمانوۆ تاعايىندالدى.

راقىمبەردى جانىسبەكۇلى مۋلكەمانوۆ 1975 جىلى تۋىلعان، ءبىلىمى جوعارى، ماماندىعى مال شيكىزاتىن تاۋارلاۋشى ينجەنەر، قارجى جانە كرەديت، قۇقىقتانۋ باكالاۆرى.

ەڭبەك جولىن 1997 جىلى «قىرعىزمۇنايزات» ماق-نىڭ توكماك مۇناي بازاسىنىڭ ەكونوميست-مەنەدجەرى رەتىندە باستاعان.

1999-2009 جىلدارى جەكەمەنشىك سەكتوردا جاۋاپتى جانە باسشى لاۋازىمداردا قىزمەت اتقارعان. 2009-2012 جىلدارى تۇركىستان قالاسىنىڭ كاسىپكەرلىك، ەكونوميكا جانە قارجى بولىمدەرىنىڭ باستىعى بولىپ ەڭبەك ەتكەن.

2012 جىلعى مامىر ايىنان شىمكەنت قالاسىنىڭ ەكونوميكا جانە قارجى ءبولىمىنىڭ باسشىسى.

دەرەككوزى: وقو اكىمىنىڭ ءباسپاسوز قىزمەتى.

Abai.kz