سەنبى, 23 قاراشا 2024
وسى عوي ەندى... 5476 0 پىكىر 4 تامىز, 2016 ساعات 19:26

قتج-ى مەملەكەتتىك ءتىلدى مەنسىنبەي مە؟

ساۋاتسىز ساياساتتىڭ ارقاسىندا سەندەلىپ ولەتىن بولدىق.ء وز ءتىلىمىزدى ءوزىمىز سويلەمەك تۇگىلى قولدانۋدان ادا بولىپ بارا جاتىرمىز. بۇل كۇندە كوشەگە شىقساڭ، كوزىڭدى اشىپ، اينالاڭا قاراپ جۇرۋگە ۇيالاسىڭ.  تۋعان ءتىلىڭدى، تۋعان جەرىندە وزەگىنەن تەۋىپ، وگەيسىتىپ جۇرگەن حالىقتىڭ بەيقام ارەكەتى شامىڭا تيەدى. اتتەڭ، بىراق قولدان كەلەر شارا جوقزار قاقسايسىڭ، قولىڭنان كەلسە، شاتپاقتاتىپ جازاسىڭ، بولدى، مارتەبەگە جەتۋگە امالداي المايسىڭ.

ماسەلەن، قتج-نىڭ  مىنا «ماسقاراسىن» كورىپ، تىپتەن اۋىز اشىلىپ، «سۇمدىق» دەگەنگە ءتىل زورعا كەلدى. اي، قازاقتار-اي،  دەيىن دەسەم، سول قازاقتىڭ ءبىرى مەنمىن. وسى كۇنگە دەيىن قانشا رەت پويىزعا وتىرىپ، ەلەكتروندى بيلەتتى السام دا، وسى ءبىر قاتەلەردەن كوز سۇرىنەتىن «سۇمدىققا» ءمان بەرمەي جۇرە بەرىپپىن. قازىرگى كۇنى عالامتور دەگەن كۇشتى نارسە بار. كىرەسىڭ دە، كەرەگىڭە قاراي زىرعىپ، ونلاين ارقىلى بيلەتىڭدى ساتىپ الاسىڭ. ءدال سولاي ءسىز دە قتج-دان ەلەكتروندى بيلەت الساڭىز، ەگەر تازا قازاق، نامىستى،  ءتىلىن شويىن جولدىڭ  شىلبىرىندا قالدىرمايتىن،  ارداقتى انا ءتىلىن قادىرلەيتىن جان بولساڭىز، «ماسقارا» دەپ ايقايلاپ، «سۇمدىق» دەپ سانىڭىزدى سوعار ەدىڭىز. ال بۇل ەلەكتروندى جول ءجۇرۋ قۇجاتىن دايىنداعانسىماقتار «ورىسشاسى وڭسا بولدى، قازاق دەگەن سورلى عوي، سول جەردە جازىلىپ تۇرعانىنا دا قۋانسىن» دەگەن سياقتى. بۇل قۇجاتتاعى سويلەمدەردىڭ قۇرىلىمى وتە قاراپايىم. سونداي وپ-وڭاي تىركەستەر مەن سويلەمدەردى وڭدىرا الماعان قىزمەتكەرلەردى جۇمىسقا قالاي الادى ەكەن؟... 

ءمولدىر باقىتقىزى

Abai.kz 

0 پىكىر

ۇزدىك ماتەريالدار

سىني-ەسسە

«تالاسبەك سىيلىعى»: تالقاندالعان تالعام...

اباي ماۋقاراۇلى 1472
بىلگەنگە مارجان

«شىعىس تۇركىستان مەملەكەتى بەيبىت تۇردە جوعالدى»

ءالىمجان ءاشىمۇلى 3248
ءبىرتۋار

شوقاننىڭ ءازىل-سىقاقتارى

باعدات اقىلبەكوۆ 5435