بۇگىن قالا اكىمى سەيىت مىرزاقۇلۇلى قازاقستاننىڭ ەڭبەك سىڭىرگەن قايراتكەرى، دومبىراشى، كومپوزيتور، كۇيشى ابىلتاەۆ ءشامىلدى قابىلدادى.

ش.ابىلتاەۆ اتىراۋ وبلىسىنىڭ تۋماسى، ءتورت جاسىنان باستاپ دومبىرانى مەڭگەرىپ، الماتى قالاسىنداعى مەملەكەتتىك كونسەرۆاتوريانى ءتامامداپ، قازاق ونەرىنىڭ دامۋىنا ءوز ۇلەسىن قوسىپ كەلەدى.

كۇي قۇدىرەتى قۇرمانعازى، دينا مەن ابىلدىڭ كۇيلەرىن شەبەر ورىنداۋشى، «ۇلىتاۋ» اتتى كۇي-كىتابى مەن «ورداباسى» اتتى كۇيتاباعىنىڭ جانە  دومالاق انا", "شاقشاق جانىبەك", "بەكەت-اتا", "قىدىر كەزگەن قىزىلقۇم", "ەلباسى" كۇيلەرىنىڭ، "قوجا احمەت ياساۋي", "جەر ۇرانى - ۇلىتاۋ", "ورداباسى", "قۇرمانعازى - كۇي ءدۇلدۇلى", "مۇستافا شوقاي تۋرالى تولعاۋ", "تۇركىستان" مۋزىكالىق-تولعاۋلارىنىڭ اۆتورى.

قالا اكىمىنىڭ قابىلداۋىنان سوڭ، ەل ارالاپ، حالىقتىڭ تىنىس-تىرشىلىگىمەن تانىسىپ جۇرگەن ش.ابىلتاەۆ قالانىڭ ساۋلەتتى ورىندارىندا بولىپ، ارىستىقتاردى قالانىڭ 60 جىلدىق مەرەكەسىمەن قۇتتىقتادى.   

اجارى ارتقان – ارىس

قالامىزدىڭ كوركى مەن اجارى ارتىپ، قولدانىسقا بەرىلگەن نىساندار كۇن سايىن ارتىپ، ەل يگىلىگىنە قىزمەت ەتۋدە.

وسىنداي يگى ىستەردىڭ ءبىرى ورتالىق ءال-فارابي جانە ابدىرازاقوۆ كوشەلەرىندەگى ورتاشا جوندەۋ، اياقجولدار توسەۋ جانە جارىقتاندىرۋ جۇمىستارى قارقىندى جۇرۋدە. سونىمەن قاتار اتالعان كوشەلەردىڭ ماڭىنداعى سكۆەر مەن اباتتاندىرۋ ماسەلەسى دە نازاردان تىس قالمادى.

قالا اكىمى س.ەرتاي جۇرگىزىلىپ جاتقان قۇرىلىس نىساندارى مەن كوشەلەردىڭ ورتاشا جانە كۇردەلى جوندەۋ جۇمىستارىنىڭ ساپالى بولۋىنا مانە بەرىپ، نىسانداردى ارالاۋ بارىسىندا سالا قىزمەتكەرلەرىنە تاپسىرمالار بەردى.

قالانىڭ 60 جىلدىق مەرەكەسىنە دايىندىق جۇمىستارى قىزۋ جۇرۋدە

بۇگىن ارىس قالاسىنىڭ اكىمى سەيىت مىرزاقۇلۇلى قالامىزدىڭ 60 جىلدىق مەرەكەسىن جوعارى دارەجەدە اتاپ ءوتۋ ماقساتىندا ءبولىم مەن مەكەمە قىزمەتكەرلەرىمەن جيىن وتكىزدى.

جيىن بارىسىندا مەرەيتوي قارساڭىندا اتقارىلاتىن جۇمىستاردى پىسىقتاي وتىرىپ، قۇرىلىسى ءجۇرىپ جاتقان نىسانداردى ارالادى. نىسانداردىڭ ساپالى، ءارى مەرزىمىندە بەرىلۋىن قاداعالاپ، ءتيىستى قىزمەتكەرلەرگە قوسىمشا تاپسىرمالار بەردى.

Abai.kz