وڭتۇستىك قازاقستاندىق مادەنيەت مايتالماندارى اۋستريادا ونەر كورسەتۋدە. بۇل تۋرالى اۋەلى وڭتۇستىك قازاقستان وبلىسى اكىمىنىڭ ءباسپاسوز قىزمەتى حابارلايدى.

2016 جىلعى 4-6 تامىز ارالىعىندا فيللاح قالاسىندا وتكىزىلەتىن ەۋروپاداعى ءىرى فولكلورلىق «Villacherkirchtag» فەستيۆالىنىڭ باعدارلاماسى اياسىندا بۇگىن كارينتيا استاناسى كلاگەنفۋرت قالاسىندا «قازاقستان مارجاندارى» اتتى كونتسەرت ۇيىمداستىرىلۋدا.

اتالعان فەستيۆالگە وڭتۇستىك قازاقستان وبلىسىنىڭ اتىنان ش.قالداياقوۆ اتىنداعى وبلىستىق فيلارمونيانىڭ «تۇمار» فولكلورلىق ءانسامبلى مەن حالىقارالىق، رەسپۋبليكالىق بي بايقاۋلارىنىڭ جۇلدەگەرلەرى «قازىنا» بي ءانسامبلى قاتىسىپ جاتىر.

2017 جىلعى اقپان ايىندا قازاقستان مەن اۋستريا اراسىنداعى ديپلوماتيالىق قاتىناستاردىڭ ورناعانىنا 25 جىل تولادى. وسى ۋاقىت ىشىندە ەكى ەل اراسىنداعى ساياسي، ەكونوميكالىق، عىلىمي جانە مادەني سالالارداعى ىنتىماقتاستىق ءۇشىن نەگىز جاسالىپ، ەكى جاقتى 19 قۇجاتقا قول قويىلدى. مادەنيەت سالاسىنداعى تابىستى ىنتىماقتاستىقتىڭ ايقىن دالەلدەرىنىڭ ءبىرى كارينتيا استاناسىندا وتەتىن وڭتۇستىك قازاقستان وبلىسىنىڭ بۇگىنگى كونتسەرتى بولىپ تابىلماق.

ايتا كەتەيىك، وڭتۇستىك قازاقستان مەن اۋستريا اراسىندا ەكى جاقتى ءبىرسىپىرا كەلىسىمدەرگە قول قويىلعان. وسىعان دەيىن وقو مەن اۋستريانىڭ ساۋدا-ەكونوميكالىق ىنتىماقتاستىعىنىن جاندانىپ كەلە جاتقانىن جازعان بولاتىنبىز. سونداي-اق، وقو-لىق مادەنيەت سالاسىنىڭ دەلەگاتسياسى ەۋروپادىعا ەڭ ءىرى فەستيۆالگە قاتىسقانىن دا حابارلاعان ەك.

 Abai.kz