شىمكەنت قالاسىندا ادام ساۋداسىنا قارسى «انتيترافيك» اكتسياسى ءوتتى. حالىقارالىق ادام ساۋداسىنا قارسى كۇرەس كۇنىنە وراي وتكەن ءىس-شارانى وبلىستىق ىشكى ىستەر دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى مەن «سانا-سەزىم» قوعامدىق ۇيىمىنىڭ وكىلدەرى ۇيىمداستىردى. بۇل تۋرالى «Abai.kz» پورتالى وڭتۇستىك قازاقستان وبلىستىق ءباسپاسوز قىزمەتىنە سىلتەمە جاساي وتىرىپ حابارلايدى.

اكتسيا بارىسىندا ءىس-شارانى ۇيىمداستىرۋشىلار مەن قاتىسۋشىلار شىمكەنت قالاسىنداعى ادامدار كوپ شوعىرلاناتىن ورىنداردى، ساياباقتاردى، تەمىرجول ۆوكزالىن ارالاپ، حالىققا ادام ساۋداسىنىڭ زالالى ءتۇسىندىردى، ادام ساۋداسىنا قارسى اقپارات بەرەتىن كىتاپشالار مەن بۋكلەتتەر تاراتتى.

ءىس-شارالاردىڭ باستى ماقساتى ادامداردى سەكسۋالدىق ءىس-ارەكەتتەردىڭ قۇربانى بولۋدان، ەڭبەك قۇقىقتارىنىڭ تاپتالۋىنان جانە كريمينالدىق جاعدايلاردان ساقتاندىرۋ بولىپ تابىلادى.

ءوز كەزەگىندە، وڭتۇستىكقازاقستاندىق ءتارتىپ ساقشىلارى ەسكەرتەدى: ەگەر ءسىز ادام ساۋداسىنىڭ قۇربانى نەمەسە كۋاسى بولساڭىز، قىلمىسقا قاتىستى قاندايدا ءبىر اقپارات بىلسەڭىز، وقو ءىىد-ءنىڭ 98-00-56 سەنىم تەلەفونىنا حابارلاسىڭىز.

ايتا كەتەيىك، ۇستىمىزدەگى جىلدىڭ ساۋىرىندە وقو-دا وبلىستىق دەنساۋلىق ساقتاۋ باسقارماسىنىڭ جاڭا باسشىسى تاعايىندالعان ەدى.

وقو اكىمىنىڭ بۇيرىعىمەن بۇل لاۋازىمعا سەيىتجامال پاكەەۆ تاعايىندالعان.

ول 1959 جىلى دۇنيەگە كەلگەن. ماماندىعى - دارىگەر، مەديتسينا عىلىمدارىنىڭ كانديداتى.

سەيىتجامال ورىنباسارۇلى ءار جىلدارى وبلىستاعى بىرقاتار مەديتسينالىق مەكەمەلەردە باسشىلىق لاۋازىمدارىندا بولدى. شىمكەنت مەديتسينالىق كوللەدجىنىڭ ديرەكتورى بولعان. وسى جىلدىڭ ناۋرىزىنان وبلىستىق دەنساۋلىق ساقتاۋ باسقارماسى باستىعىنىڭ ورىنباسارى قىزمەتىن اتقاردى.

Abai.kz