كونستيتۋتسيالىق پالاتانىڭ بۇرىنعى سۋدياسى كلارا سوورونكۋلوۆا بيلىك كونستيتۋتسيانى وزگەرتۋدى زاڭدى بۇزۋ ارقىلى جۇزەگە اسىرماقشى دەپ ەسەپتەيدى. ونىڭ پىكىرىنشە، رەفورمانى كونستيتۋتسيالىق جينالىس قۇرىپ، كەڭ اۋقىمدى تالقىلاۋدان سوڭ عانا جۇرگىزگەن دۇرىس بولادى.

دەپۋتات چولپان جاقىپوۆا پارلامەنتتە قىسىم كورسەتۋ ارقىلى باستى زاڭعا وزگەرتۋلەر ەنگىزۋ ءۇشىن قول جيناپ جاتقانىن مالىمدەدى.

دوڭگەلەك ۇستەل وتىرىسى ناتيجەسىندە كونستيتۋتسيانىڭ وزگەرۋىنە قارسى ارنايى جۇمىس توبىن قۇرۋ تۋرالى شەشىم قابىلداندى. وسىنداي يدەيانى كوتەرگەن ء«بۇتىن قىرعىزستان» پارتياسىنىڭ جەتەكشىسى اداحان مادۋماروۆتىڭ ايتۋىنشا، ەندى ايماقتارعا شىعىپ، ءتۇسىندىرۋ جۇمىستارىن جۇرگىزۋ كەرەك بولادى.

جوگوركۋ كەنەشتەگى التى فراكتسيانىڭ بەسەۋى كونستيتۋتسيانىڭ وزگەرتىلۋىن قولداۋ باستاماسىنا قول قويدى. رەفورمالاردىڭ باستى ماقساتى – ۇكىمەت قۇزىرەتىن ۇلعايتىپ، سوت رەفورمالارىن تەزدەتۋ دەپ حابارلاندى. رەفەرەندۋم كۇزگە بەلگىلەنگەن. ازىرگە ءتيىستى زاڭ جوبالارى قوعامنىڭ تالقىلاۋىنا شىعارىلدى.