وزبەكستان ۇلتتىق قاۋىپسىزدىك قىزمەتىنىڭ (ۇقق) ناۋرىزداعى ارنايى وپەراتسياسى بارىسىندا مەملەكەتتىك رەزيدەنتسيا اۋماعىندا 16 توسەكتەس جۇپ ۇستالدى. قولعا تۇسكەندەردىڭ ىشىندە پروكۋراتۋرا، ۇقق جانە باسقا دا كۇش قۇرىلىمدارىنىڭ قىزمەتكەرلەرى بولعان. ولار رەزيدەنتسيا اۋماعىنداعى كوتتەدجدى جەزوكشەلەرمەن بىرگە ۋاقىت وتكىزۋگە پايدالانعان.

ۇستالعاندار رەزيدەنتسيادان ءۇش ءجۇز مەترلىك جەردە ورنالاسقان رەسپۋبليكا ءىىم-نە جەتكىزىلگەن. بىراق وزبەكستان پرەزيدەنتى اكىمشىلىگىنىڭ باسشىسى زەليمحان حايداروۆتىڭ تىكەلەي ارالاسۋىمەن، بۇل ادامدارعا ايىپپۇل سالىپ ۇيلەرىنە قايتارىلعان. دەگەنمەن «تۋركيستون» مەملەكەتتىك رەزيدەنتسياسىنىڭ باسشىلىعىندا وتىرعان بەس ادامعا قىلمىستىق ءىس قوزعالدى.

دەرەككوزدەردىڭ مالىمەتى بويىنشا، ارنايى وپەراتسيا زەليمحان حايداروۆتىڭ ءوزىن ۇستاۋ ءۇشىن وتكىزىلگەن. حايداروۆ بۇرىننان بەرى ۇقق توراعاسى رۋستام يناياتوۆپەن وشتەسىپ ءجۇر.

70 جاستاعى زەليمحان حايداروۆ كسرو زامانىندا وزبەك سسر كومپارتياسىندا يسلام كاريموۆپەن بىرگە ىستەگەن. ول پرەزيدەنت اپپاراتى ىستەرىنىڭ مەڭگەرۋشىسى قىزمەتىنە 1993 جىلى تاعايىندالدى، 23 جىل وتكەن سوڭ ول وزبەكستانداعى ەڭ ىقپالدى ادامداردىڭ بىرىنە اينالدى.