شىلدەنىڭ 31-ءى كۇنى وڭتۇستىك قازاقستان وبلىسى ماقتارال اۋدانىنا قاراستى س.سەيفۋلين اۋىلىندا تۇرعىندار اراسىندا جاپپاي تارتىپسىزدىك ورىن الدى. بۇل تۋرالى «Abai.kz» پورتالى وقو ىشكى ىستەر دەپارتامەنتىنە سىلتەمە جاساي وتىرىپ حابارلايدى.

اۋىل تۇرعىندارى اراسىندا تۇتانعان تۇرمىستىق دەڭگەيدەگى كيكىلجىڭنىڭ سالدارىنان بۇزاقىلىق اكتىلەرى تىركەلگەن.

وقيعا ورىنا وقو اكىمىنىڭ ورىنباسارى، پروكۋراتۋرا وكىلدەرى، ءىىد قىزمەتكەرلەرى مەن اۋدان اكىمى بارىپ، ماسەلەنىڭ ءمان-جايىمەن تانىسقان.

ال بۇگىن سەيفۋلين اۋىلىندا  اۋداندىق ءماسليحات دەپۋتاتتارىنىڭ قاتىسۋىمەن اۋىل اقساقالدارىنىڭ جينالىسى ءوتتى. وعان جەرگىلىكتى اكىمشىلىك وكىلدەرى، قوعامدىق ۇيىم وكىلدەرى، قوعامدىق كەڭەس مۇشەلەرى قاتىستى.

كەزدەسۋ بارىسىندا ەكى تاراپ وكىلدەرى ورتاق كەلىسىمگە كەلگەن. قازىرگى تاڭدا جاعداي ءىىد باقىلاۋىنا الىنعان.

اباي اقپارات