«جۇمىسپەن قامتۋ 2020 جول كارتاسى» باعدارلاماسىنىڭ 3 باعىتى بويىنشا بيىل وڭتۇستىك قازاستان وبلىسى، ورداباسى اۋدانىنىڭ ۆەتەرينارلىق قىزمەتىنە 30 ازامات تۇراقتى جۇمىسقا جولداندى. بۇل تۋرالى «Abai.kz» پورتالى وڭتۇستىك قازاقستان وبلىسى، ورداباسى اۋدانى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

مەملەكەتتىك «جۇمىسپەن قامتۋ 2020 جول كارتاسى» باعدارلاماسى اياسىندا 2012 - 2013 جىلدارى كاسىبي دايارلاۋعا شىمكەنت قالاسىنداعى اگرارلىق كوللەدجگە جولدانعان ازاماتتار بۇگىندە ديپلومىن الىپ، ەلگە ورالعان.

اۋدان اكىمىنىڭ رەسمي ينتەرنەت رەسۋرسىنىڭ حابارلاۋىنشا، وقۋ كۋرستارىنا اۋداننان جىبەرىلگەن 15 ازامات سانيتار، ۆەتەرينار، فەلدشەر – ۆەتەرينار ماماندىقتارى بويىنشا تۇراقتى جۇمىسقا ورنالاسقان.

جالپى قورىتىندىعا سۇيەنسەك، ورداباسى اۋدانى بويىنشا جىل باسىنان «جۇمىسپەن قامتۋ 2020» مەملەكەتتىك باعدارلاماسىنا قاتىسۋعا 1076 ادام ءوتىنىش ءبىلدىرىپتى. ولاردىڭ بارلىعى باعدارلاما قۇرامىنا تارتىلدى. 

جاڭا جانە بوس جۇمىس ورىندارىنا 544 ادام جولداندى. مەملەكەتتىك جانە سالالىق باعدارلامالار بويىنشا جاڭا 220 جۇمىس ورنى اشىلعان. سونىمەن قاتار، بوساعان 324 جۇمىس ورنىنا ازاماتتار جولدانىپ، بارلىعى تۇراقتى جۇمىسقا ورنالاستى.

دەرەككوزى: ورداباسى اۋدانى اكىمىنىڭ ءباسپاسوز قىزمەتى

Abai.kz