جىل باسىنان بەرى ماقتاارالدا 8 ەلدىمەكەن اۋىز سۋمەن قامتىلدى. تاۋلىك بويى تىرشىلىك ءنارى بەرىلىپ جاتقان اۋىلداردىڭ ىشىندە ساكەن سەيفۋللين، قۇلشىعاش، جامبىل اۋىلدارى دا بار.

2015 جىلى اۋىز سۋدى كورشى اۋىلداردان تۇتىنىپ وتىرعان اندرەەۆ، الپامىس، دوستىق، سىراباد، ع.مۇراتباەۆ، اباي، ابات، اتامۇرا، قاراقىر سىندى 9 ەلدىمەكەننىڭ حالقى تازا اۋىز سۋمەن قامتاماسىز ەتىلگەن بولاتىن. ناتيجەسىندە بۇگىنگە دەيىن اۋدانداعى 24 ساعات بويى تازا اۋىز سۋ بەرىلىپ جاتقان ەلدىمەكەندەردىڭ سانى 64-كە جەتتى.

ەلدىمەكەندەردى تىرشىلىك نارىمەن قامتۋ جۇمىستارى ودان ءارى جالعاسۋدا. بۇگىنگى تاڭدا مىرزاشولدەگى «وڭىرلەردى دامىتۋ» باعدارلاماسى اياسىندا جەرگىلىكتى بيۋدجەتتەن 355 ملن تەڭگەدەن استام قاراجات ءبولىنىپ، نۇرلى تاڭ، ىرىستى، ق.پەرنەباەۆ، تابىستى، وكتيابر، داتقا، دارحان، سايلاۋ، نۇر، تىڭ دالا، كوكارال، ازات اۋىلدارىنداعى توزىعى جەتكەن سۋ قۇبىرلارى جوندەلىپ، سۋ ەسەپتەگىش قۇرالدارى ورناتىلۋدا.

ماقتاارالداعى جەر استى سۋ قورىنىڭ مولشەرىن، ساپاسىن، جارامدىلىعىن انىقتاۋ ماقساتىندا 2015 جىلى 26 ەلدىمەكەندە گەولوگيالىق ىزدەۋ-بارلاۋ جۇمىستارى جۇرگىزىلسە، 2016-2017 جىلدارعا 19 ەلدىمەكەننىڭ جەراستى سۋ قورىنا ىزدەۋ-بارلاۋ جۇمىستارىنا قارجى بولدىرۋگە سالالىق باسقارماعا ۇسىنىس بەرىلىپ وتىر.

جالپى، حالقى كۇن ساناپ ءوسىپ جاتقان ماقتاارال اۋدانىنداعى 174 ەلدىمەكەندە ۇزىندىعى 1885 شاقىرىم بولاتىن قولدانىستاعى سۋ قۇبىرى بار. بۇل سۋ قۇبىرلارىندا 225 دانا اۋىز سۋ ۇڭعىسى، 165 سۋ مۇناراسى مەن 12 سۋ ساقتاعىش جانە سانيتارلىق قورعاۋ ايماقتارى حالىق يگىلىگىنە جۇمىس ىستەپ تۇر.

Abai.kz