استانادا «ەكسترەميزمدى ناسيحاتتايتىن» 94 سايت بۇعاتتالدى
استانا پروكۋراتۋراسى قازاقستاندا «تەرروريزم مەن ەكسترەميزمدى ناسيحاتتاۋىنا» بايلانىستى 94 سايت سوت شەشىمىمەن بۇعاۋلانعانىن حابارلادى.
2016 جىلدىڭ باسىنان بەرى استانانىڭ ەسىل اۋداندىق سوتىنا شەتەلدىك جەكەلەگەن سايتتاردا جاريالانعان ماتەريالداردى زاڭسىز دەپ تاۋىپ، ولاردىڭ قازاقستان تەرريتورياسىندا تارالۋىن توقتاتۋدى تالاپ ەتكەن جيىرما شاقتى تالاپ-شاعىم تۇسكەن.
«ازاماتتىق ىستەردى قاراۋ ناتيجەسى بويىنشا، تەرروريزمدى، ەكسترەميزم مەن سەپاراتيزمنىڭ كەز-كەلگەن ءتۇرى ناسيحاتتالاتىن، ۇلتتىق قاۋىپسىزدىككە قاتەر توندىرەتىن 94 سايت بۇعاتتالدى» دەلىنگەن حابارلامادا.
پروكۋراتۋرا اقپاراتىندا سوتقا تالاپ-شاعىمداردى اقپارات جانە كوممۋنيكاتسيا مينيسترلىگىنىڭ بايلانىس، اقپاراتتاندىرۋ جانە بۇقارالىق اقپارات قۇرالدارى سالاسىنداعى مەملەكەتتىك باقىلاۋ كوميتەتى تۇسىرگەنى ايتىلادى. سوت تالاپ-شاعىمداردى قاناعاتتاندىرۋعا شەشىم شىعارىپ، ول كۇشىنە ەنگەن.
اباي-اقپارات
