ەلباسىنىڭ كەزەكتى «قازاقستان جاڭا جاھاندىق ناقتى احۋالدا: ءوسىم، رەفورمالار، دامۋ» جولداۋى –  الەمدىك داعدارىستىڭ سىرتقى ەكونوميكالىق الەمدىك داعدارىس فاكتورلارىنان ءوتۋدىڭ جولى. ەلباسى ن.نازارباەۆ ءcوز باسىن­دا بۇگىنگى الەمدىك احۋال كۇردەلى كەزەڭمەن ۇشتاسىپ وتىرعانىن اتاپ ءوتتى. سونداي-اق، پرەزيدەنت الپاۋىت ەلدەر­دىڭ ءوزارا سانكتسيالارى دۇنيەنى تىعىرىققا تىرەگەنىن، قازىرگى كەزدە جاڭا مۇمكىندىكتەر مەن جاڭا قاتەرلەر ۇشتاسقان شيەلەنىستى دە اۋىر كەزەڭ تۋىپ وتىرعانىن ايتتى. جاھاندىق داعدارىس – تەك قاۋىپ قانا ەمەس، بۇل جاڭا مۇمكىندىكتەر. ءبىزدىڭ قول جەتكەن تابىستارىمىزدىڭ سىنعا تۇسەتىن ۋاقىتى جانە قازاقستاندىق مەملەكەتتىكتى نىعايتاتىن ۋاقىت تۋىپ وتىر.

مەملەكەت باسشىسى: ء«بىزدىڭ داعدارىستاردى ەڭسەرۋ تاجىريبەمىز بار. جاڭا جاھاندىق قاتەرلەرگە ءبىز ءوزىمىزدىڭ ناقتى مۇمكىندىكتەرىمىزدىڭ نەگىزىندە تۇتاس ءىس-قيمىل ستراتەگياسىن قارسى قويۋعا ءتيىستىمىز» دەگەن ەدى. سونىمەن قاتار، ەلباسى مۇنداي اسا جاۋاپتى ساتتە بىرلىكتىڭ ساقتالۋى اسا ماڭىزدى ەكەنىن، سونداي-اق، بارشا قوعام ەل يگىلىگى ءۇشىن ايانباي تەر توگۋ قاجەتتىگىن اتاپ ءوتتى.

جولداۋدا ەكونوميكالىق رەفورمالار نەگىزىندە داعدارىس جاعدايىنداعى ەكونوميكالىق ءوسۋدى قامتاماسىز ەتۋگە باعىتتالعان انىق تاپسىرمالار بار. بۇل – جەكە باستاماشىلىق ارقىلى ەكونوميكالىق وركەندەۋ، 100 ناقتى قادام رەفورمالارى، جالپىعا ورتاق ەڭبەك قوعامى جانە ءار ازاماتتىڭ الەۋمەتتىك جاۋاپكەرشىلىگى. بۇل دەگەنىمىز – ءوز تەڭگەمىزدى قولدانۋ، قاراجاتىمىزعا سايكەس ءومىر ءسۇرۋ، مەملەكەتتىك جەكە-مەنشىك سەرىكتەستىگىن دامىتۋ.ەكونوميكالىق تۇراق­سىزدىق احۋالىندا پرەزيدەنت بۇرىنعىداي باستى ورىنعا قازاقستاندىقتاردىڭ تۇرمىسىنىڭ جاقسارۋى مەن الەۋمەتتىك قورعالۋىن قويىپ وتىر.

«بارلىق جاھاندىق داعدارىستاردىڭ تەرىس ىقپالىنا بايلانىستى ەكونوميكامىز تاپ بولعان بۇكىل قيىندىقتارعا قاراماستان، ءبىز اركەز قازاقستاندىقتاردىڭ ءال-اۋقاتىن ارتتىرىپ كەلدىك. ون جىلدا الەۋمەتتىك سالاعا مەملەكەتتىك شىعىندار ناقتى كورسەتكىش بويىنشا 3 ەسەگە جۋىق ءوستى. الەۋ­مەتتىك سالا مەن مەملەكەتتىك باسقارۋدا جۇمىس ىستەيتىندەردىڭ سانى 1,2 ميلليون ادامنان اسادى»، – دەگەن ەلباسى كوپ ماسەلەگە توقتالىپ وتكەن ەدى. دەنساۋلىق ساقتاۋ، ءبىلىم بەرۋ جانە الەۋمەتتىك قورعاۋ سالاسىنداعى قىزمەتكەرلەردىڭ جالاقىسىن ۇلعايتۋعا ۇلكەن ءمان بەرىلگەنى قۋانتادى. ازاماتتارعا الەۋمەتتىك قولداۋدى كەڭەيتۋ ماقساتىندا پرەزيدەنت ۇكىمەتكە 2016 جىلدىڭ ءبىرىنشى توقسانىنىڭ سوڭىنا دەيىن ەڭبەكپەن قامتۋدىڭ جاڭا جول كارتاسىن جاساۋدى تاپسىردى. باعدارلامالاردى قارجىلاندىرۋ كولەمى وسىعان دەيىنگى باعدارلاماعا قاراعاندا ۇلعاي­تىلادى. بيۋدجەت قىزمەتكەرلەرىنىڭ ءتۇرلى دەڭگەيلەرىنە سارالانعان شارانىڭ قولدانىلۋى دۇرىس دەپ ەسەپتەيدى.  پرەزيدەنتتىڭ الەۋمەتتىك قولداۋ تەك مۇقتاج ادامدارعا، ولاردىڭ ناقتى تابىستارى مەن ءومىر ءسۇرۋ جاعدايىن باعامداۋ نەگىزىندە كورسەتىلەتىنى جايلى اتاپ ءوتۋى دە ورىندى دەپ ويلايمىن. ەلباسىنىڭ شى­نايى جانا­شىرلىعى مەن قولداۋىنان كەيىن، ەلىمىزدىڭ شىعارما­شىلىق زيالى قاۋىمى بۇرىنعىدان دا زور قۇلشى­نىسپەن ەڭبەك ەتەتىنى ءسوزسىز. «ماڭگىلىك ەل» جالپى ۇلتتىق يدەياسى، «قازاقستان-2050» ستراتەگياسى مەن «نۇرلى جول» باعدارلاماسى، سونىمەن قاتار، «100 ناقتى قادام» ۇلت جوسپارىندا بەلگىلەنگەن اۋقىمدى مىندەتتەردى تۇتاستىقتى نىعايتۋعا باعىتتالعان ناقتى قادامدار دەپ باعالاۋعا بولادى.

ەلباسى  الەمدە قالىپتاسقان قازىرگى احۋال ەلدەردى تىعىرىققا تىرەپ تۇرعانىن ايتتى. سوندىقتان وسىنداي قيىن-قىستاۋ كەزەڭدە بىرلىك پەن ىنتىماقتىڭ ماڭىزى اسا جوعارى. جولداۋ 5 ينستيتۋتتىق رەفورما يدەياسىن شىعارماشىلىقپەن دامىتۋدىڭ، «100 ناقتى قادام – بارشاعا ارنالعان قازىرگى زامانعى مەملەكەت» ۇلت جوسپارىندا كورسەتىلگەن مىندەتتەردى شەشۋدىڭ ناقتى تەتىگى بولىپ وتىر.

جولداۋدىڭ باستى مىندەتى – بۇگىنگىدەي ەرەكشە كەزەڭدە جاڭا رەفورمالار مەن جاسامپاز جوبالاردى جۇزەگە اسىرۋ ارقىلى جەتىستىككە جەتەتىن جول كورسەتۋ. جولداۋدا كوتەرىلگەن باستامالاردى جۇزەگە اسىرۋعا 7,2 تريلليون تەڭگە قاراستىرىلعان. ەندى تەك وسى قارجى­نى دىتتەگەن جەرىنە جەتكىزۋ مىندەتى تۇر. سوندا عانا ەل مۇراتى – ماڭگىلىك ەل بولۋ باعىتىنا نىق قادام جاساي الامىز. جولداۋ قر پرەزيدەنتى، ەلباسى نۇرسۇلتان ءابىشۇلى نازارباەۆتىڭ تۇراقتى دا گۇلدەنگەن ەل قۇرۋعا، قۋاتتى مەملەكەت، دامىعان ەكونوميكا جانە سالي­قالى الەۋمەتتىك ساياسات نەگىزىندە بولاشاعى ءبىرتۇ­تاس ۇلت قۇرۋعا باعىتتالعان دايەكتى ساياسي باعدارىن تەرەڭ جانە وبەكتيۆتى تۇردە كورسەتەدى.

ءبىز  بۇگىنگى جولداۋدىڭ مىندەتتەرىن جۇزەگە اسىرۋ، ورىنداۋ –  وتانىمىزدىڭ ءار پاتريوتىنىڭ ازاماتتىق پارىزى، جاۋاپكەرشىلىگى جانە ار-وجدانى دەپ بىلەمىز.

ءانۋار جەكسەكوۆ،

جەكە سوت ورىنداۋشىلار قىزمەتىن ۇيىمداستىرۋ

ءبولىمى باسشىسىنىڭ مىندەتىن اتقارۋشى.

Abai.kz