بۇگىن وڭىرلىك كوممۋنيكاتسيالار قىزمەتىندە الماتى قالاسى كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى الماس ماديەۆ ءباسپاسوز بريفينگىن وتكىزدى. بۇل تۋرالى «Abai.kz» پورتالى حابارلايدى.

«بيزنەستىك جول كارتاسى-2020» باعدارلاماسى مەن يندۋستريالدى-يننوۆاتسيالىق دامۋدىڭ 2015-2019 جىلدارعا ارنالعان باعدارلاماسى اياسىندا قالادا اتقارىلعان شارۋالاردى تۇيىندەگەن جيىندا الماتى قالاسىنداعى شاعىن جانە ورتا كاسىپكەرلىككە قولداۋ كورسەتۋ ماسەلەلەرى تالقىلاندى.

كونفەرەنتسيا بارىسىندا سپيكەر الماتى قالاسىنىڭ شاعىن جانە ورتا بيزنەسىنىڭ، ساۋدانىڭ، قىزمەت كورسەتۋ سالاسىنىڭ ت.ب. نەگىزگى كورسەتكىشتەرىن جاريا ەتتى.

مىسالى، ۇستىمىزدەگى جىلى «بيزنەستىك جول كارتاسى-2020» بعدارلامىسىن جۇزەگە اسىرۋ ءۇشىن بيۋدجەتتەن 3,2 ميلليارد تەڭگە بولىنگەن. اعىمداعى 10 ايدىڭ ىشىندە اتالعان سومانى يگەرۋ ماقساتىندا 249 جوبا ىسكە قوسىلعان. بۇل كورسەتكىش وتكەن جىلعىمەن سالىستىرعاندا 2,5 ەسەگە، نەسيەلەر قورجىنى مەن سۋبسيديالار كولەمى 2 ەسەگە ارتقان ەكەن.

سونداي-اق، دامۋ كاسىپكەرلىكتى قولداۋ ۇيىمىمەن الماتى قالاسى اكىمدىگى بىرلەسە وتىرىپ، «جىبەك جولى» جوباسىن باستاعان. ول ءۇشىن بيۋدجەتتەن 4 ملرد. تەڭگەگە جۋىق قارجى جۇمسالعان.

سونىمەن قاتار، الماس وسكەنبايۇلىنىڭ ايتۋىنشا، ۇكىمەت قابىلداعان 2020 جىلعا دەيىن قىزمەت كورسەتۋ سالاسىن دامىتۋ باعدارلاماسى مەن الماتى قالاسى اكىمدىگىنىڭ 28-قىسقى ۋنيۆەرسيادا-2017 جانە ەكسپو-2017 قارساڭىندا 100-دەن استام جاڭا نىساندار ىسكە قوسىلسا، جىل سوڭىنا دەيىن تاعى 10 نىسان قولدانىسقا بەرىلمەك.

ورتالىق ازياداعى ەڭ ۇلكەن «Happy Eye» اتتراكتسيونى، Hilton» قوناق ءۇيى، «موسكۆا» ويىن-ساۋىق ورتالىعىنىڭ اشىلۋى، «Kempinski»،  «Novotel»،  «Srtarbucks»،  «McDonal’s»، «Ritz-Carlton» سەكىلدى الەمدىك برەند ماركالارىنىڭ الماتىدا بوي كوتەرۋى دە ايتىلدى.

الماتى قالاسى كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى الماس ماديەۆتىڭ ايتۋىنشا، شەتەلدىك ينۆەستورلار الماتى ريتەيلىنىڭ نارىعىنا كىرۋدە. اتاپ ايتقاندا، 2017 جىلى «OBI»،  «Leroy Merlin»،  «Forum Eurasia» سەكىلدى كومپانيالار الماتى نارىعىنا ەنبەك. مىسالى، الماتى اكىمدىگى  «Turkmall» تۇرىك-نەمىس كومپانياسىمەن سەرىكتەسە وتىرىپ قۇنى 1 ميلليارد دوللارعا تاتيتىن جوبانى باستاعان.

ال وتاندىق كاسىپكەرلەردى قولداۋ ماقساتىندا، قۇنى 7,8 ميلليارد تەڭگەنى قۇرايتىن جىلىجاي ىسكە قوسىلىپتى. 10 مىڭ توننادان استام قىزاناق پەن قيار وندىرەتىن جىلىجاي ونىمدەرى الماتى سورەلەرىمەن قاتار، رەسپۋبليكانىڭ وزگە دە ايماقتارىنا شىعارىلماق.

بۇجان وزگە الماتى قالاسى كاسىپكەرلىك جانە يندۋستريالدى-يننوۆاتسيالىق دامۋ باسقارماسى ەكىنشى بەسجىلدىققاتىڭ جوسپارى بويىنشا قۇنى 175 ميلليارد تەڭگەنى قۇرايتىن 80 جاڭا جوبا، 11 مىڭ جاڭا جۇمىس ورنىن قۇرۋدى كوزدەپ وتىر. اتالعان جوبانىڭ اياسىندا قازىرگى تاڭدا الماتى قالاسىندا 21 جوبا ىسكە قوسىلعان.

«وزدەرىڭىز بىلەتىندەي، الماتى ءىرى قالا. رەسپۋبليكامىزدىڭ ءجىو كورسەتكىشىنىڭ 25 پايىزىن ءبىزدىڭ الماتى قۇرايدى. قازىردىڭ وزىندە بىزدە 240 مىڭنان استام شاعىن جانە ورتا بيزنەس وكىلدەرى تىركەلگەن. سوندىقتان، باسەكە دە، ساپا دا جان جاقتى باقىلاۋدا. ۇكىمەتتىڭ 2020 جىلعا ارنالعان 7 باعىتىنىڭ 2 پوزيتسياسى كاسىپكەرلەرگە قولداۋ كورسەتۋگە باعىتتالعان. ءبىزدىڭ قالامىزدا اسىرەسە ساۋدا قاتتى دامىعان. ول قالا بيۋدجەتىنىڭ 86 پايىزىن قۇراپ وتىر»,-دەيدى الماس وسكەنبايۇلى.

نۇرزات توعجان

Abai.kz