«الماتى تاۋەرستەگى» ورتتەن قازا بولعانداردىڭ وتباسىلارىنا 3 ملن تەڭگەدەن ماتەريالدىق كومەك كورسەتىلەدى. بۇل تۋرالى وقيعا بولعان جەردى ارالاۋ كەزىندە الماتى اكىمى باۋىرجان بايبەككە «الماتى تاۋەرس» كومپانياسىنىڭ وكىلى ابليميت راحماتۋللاەۆ ايتتى دەپ حابارلايدى Baq.kz.

قالا اكىمى مارقۇمداردىڭ وتباسىلارىنا كوڭىل ايتىپ، جان- جاقتى قولداۋ كورسەتۋدى تاپسىرعان.

«قازىرگى كەزدە ولارعا بارىنشا كومەك كورسەتىپ، جەرلەۋ مەن وعان كەتەتىن شىعىن ماسەلەسىن شەشۋ قاجەت. ەشكىم نازاردان تىس قالماسىن. كوميسسيا بارلىق تەكسەرۋ جۇمىسىن اشىق جانە جاريالى تۇردە جۇرگىزەدى. قىسقا مەرزىم ىشىندە تولىق ەسەپ بەرىلۋى ءتيىس»، - دەپ اتاپ ءوتتى بايبەك.

«الماتى تاۋەرس» باسقارۋشى كومپانياسىنىڭ وكىلى ورتتەن قازا بولعانداردىڭ وتباسىلارىنا بۇگىننەن باستاپ ماتەريالدىق كومەك بەرىلەتىنىن ايتتى.

مەرت بولعانداردىڭ بەسەۋى - 20-دان ەندى اسقان ستۋدەنتتەر. ولار دەمالىس كۇندەرى كەلىسىمشارتسىز، قاۋىپ-قاتەرگە قاراماستان، جالدانىپ جۇمىس ىستەپ جۇرگەن.

باتۋت قۇراستىرۋ ورتالىعىندا جالدانىپ جۇمىس ىستەگەن ستۋدەنتتەردىڭ ەكەۋى ساتباەۆ اتىنداعى تەحنيكالىق ۋنيۆەرسيتەتتە، ال ەكەۋى قازاق ۇلتتىق ۋنيۆەرسيتەتىندە وقىپتى. بەسىنشىسى اسفەندياروۆ اتىنداعى مەديتسينا ۋنيۆەرسيتەتىنىڭ 4 كۋرسىندا ءبىلىم الىپ جۇرگەن. ءتورت جىگىت وڭتۇستىك قازاقستان وبلىسىنىڭ، ال تاعى ءبىرى - الماتى ماڭىنداعى بايسەركە اۋىلىنىڭ تۋماسى.

وسى وقيعاعا قاتىستى قوعام بەرسەندىسى ايگۇل ورىنبەك Facebook-تەگى پاراقشاسىندا بىلاي دەپ جازدى.

ايگۇل ورىنبەك، قوعام بەلسەندىسى:

-وزگەگە كەلگەندە ەمەشەگىمىز ەزىلىپ،وزىمىزگە كەلگەندە بەزىنىپ كەتەتىنىمىز جامان.موسكۆا دا قىرعىزدار ورتەنگەن كەزدە وسى جەردە ءبىرازى سول ۇلتپەن قايعىرىپ ەدى. ال كەشەگى الماتىداعى ورتتە ورىمدەي جاستارىمىز كەتىپ وتىر. بىراق قايعىرىپ وتىرعان ەشكىمدى كورمەدىم. ءبəرى ترامپتىڭ جىرىن جىرلاپ مəز. بىزدەگى ادام ءومىرى قۇنسىز ەكەنىن تاعى ءبىر كورىنىسى، ادامنىڭ كۇلى قالسا دا ءبارىبىر. جۇمىس بەرۋشى كىم؟ نەگە جۇمىسشىلاردىڭ قاۋىپسىزدىگى قولعا الىنباعان؟ بۇل ماسەلەنى ءۇنسىز قالدىرمايىق، بالالارى قايتىس بولعان وتباسىلىرعا زاڭگەر تاۋىپ، كومەك بەرەيىك. 

ءشارىپحان قايسار

Abai.kz