رەسەيدىڭ اسكەري-تەحنيكالىق ىنتىماقتاستىق جونىندەگى فەدەرالدى قىزمەتىنىڭ باسشىسى الەكساندر فومين كوميسسيادا ناتو-عا قاتىسۋشى تۇركياعا رەسەيدە جاسالىنعان اۋە شابۋىلىنان قورعايتىن جۇيەنى جىبەرۋ ماسەلەسى قارالۋى مۇمكىن دەدى.

1 قاراشادا تۇركيا باس شتابىنىڭ باسشىسى حۋلۋسي اكارا ماسكەۋگە بارعان. تۇركيا رەسمي وكىلىنىڭ مالىمدەۋىنشە، حۋلۋسي اكار مەن ونىڭ رەسەيلىك ارىپتەسى ۆالەري گەراسيموۆ سيرياداعى «يسلام مەملەكەتى» ەكسترەميستىك توبىنا قارسى كۇرەسۋدە اسكەري ىنتىماقتاستىق ماسەلەلەرىن تالقىلادى دەپ مالىمدەدى.

انكارا مەن ماسكەۋ اراسىنداعى قارىم-قاتىناس 2015 جىلدىڭ قازان ايىندا تۇرىك-سيريا شەكاراسىندا رەسەيلىك اسكەري ۇشاقتى تۇرىك تارابى اتىپ تۇسىرگەننەن كەيىن، كۇرت ناشارلادى. بىراق تۇرىك اسكەري كۇشى تۇركيا ۇكىمەتىن بيلىكتەن تايدىرماق بولعان ارەكەتىنەن كەيىن، ەكى ەلدىڭ قارىم- قاتىناسى قايتا جاقساردى.