قر پرەمەر-ءمينيسترى باقىتجان ساعىنتاەۆ اۋىلداردىڭ مەديتسينالىق كادرلارمەن قامتىلۋىن ەرەكشە باقىلاۋعا الۋدى تاپسىردى

 قر پرەمەر-ءمينيسترى باقىتجان ساعىنتاەۆ ۇكىمەت وتىرىسى بارىسىندا اۋىلدىق جەرلەردى مەديتسينالىق كادرلارمەن قامتاماسىز ەتۋ ماسەلەسىن باقىلاۋعا الۋدى تاپسىردى.

«قازىر ءبىز ايتقانداي، جالپى تۇلەكتەردىڭ 23% اۋىلدىق جەرلەرگە جىبەرۋىمىز كەرەك. تامارا قاسىمقىزى (دەنساۋلىق ساقتاۋ جانە الەۋمەتتىك دامۋ ءمينيسترى – رەد.), ءسىز ءبىزدىڭ اۋىلعا جىبەرگەن ادامدارىمىزدىڭ وندا قاگشاسى قالاتىنى، ولارعا وندا قانداي جاعداي جاسالاتىنى تۋرالى ەشتەڭە ايتپادىڭىز. ولار سول جەرلەردە مەديتسينالىق كومەك كورسەتە الۋى ءۇشىن قاجەتتىنىڭ ءبارى بار ما، ولاردىڭ قانشاسى قايتىپ ورالادى، نەگە قايتىپ ورالادى جانە ودان كەيىن ولار قايدا كەتەدى؟ بۇل اسا ماڭىزدى ماسەلە، ونى نازاردا ۇستاۋىمىز قاجەت»، - دەدى ب.ساعىنتاەۆ.

ەسكە سالايىق، سونداي-اق وتىرىس بارىسىندا قر پرەمەر-ءمينيسترى ب.ساعىنتاەۆ قر ءدسادم مەن قر بعم-ىنە قازاقستاننىڭ مەديتسينالىق جوعارى وقۋ ورىندارىندا پەدياتريا فاكۋلتەتتەرىن قايتا اشۋدى تاپسىردى.

سونداي-اق، وسى جيىندا قر پرەمەر-ءمينيسترى باقىتجان ساعىنتاەۆ پەدياتريا فاكۋلتەتتەرىن قايتا اشۋدى تاپسىردى.

قر پرەمەر-ءمينيسترى باقىتجان ساعىنتاەۆ دارىگەرلەردىڭ، اسىرەسە، بالالاردىڭ دەنساۋلىعىنا قاتىستى جىبەرۋى مۇمكىن قاتەلىكتەرىنىڭ تىم قىمباتقا تۇسەتىندىگىنە نازار اۋداردى جانە مەديتسينالىق جوعارى وقۋ ورىندارىنداعى پەدياتريا فاكۋلتەتتەرى مەن بالالارعا ارنالعان مەديتسينالىق كومەك قىزمەتىن قالپىنا كەلتىرۋ بويىنشا شۇعىل شارالاردى قابىلداۋدى تاپسىردى.

قر پرەمەر-ءمينيسترى باقىتجان ساعىنتاەۆ ۇكىمەت وتىرىسى بارىسىندا قازاقستاندا پەدياتريانى قالپىنا كەلتىرۋ بويىنشا بىرقاتار تاپسىرمالار بەردى

ول «اسىرەسە، بالالار دارىگەرلەرىنىڭ قاتەلىكتەرى تىم قىمباتقا تۇسەتىنىن، بۇل تۇستا مەديتسينالىق كادرلاردى – اسىرەسە، بالالار دارىگەرلەرىن، پەدياترلاردى دايارلاۋ ساپاسىنا كوڭىل ءبولۋ قاجەتتىگىن» اتاپ ءوتتى.

پرەمەر-مينيستر دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆاعا جانە ءبىلىم جانە عىلىم ءمينيسترى ە.ساعاديەۆكە مەديتسينالىق جوعارى وقۋ ورىندارداعى پەدياتريا فاكۋلتەتتەرىن قالپىنا كەلتىرۋ جانە جاڭا وقۋ جىلىنان باستاپ بىردەن مامانداردى دايارلاۋدى باستاۋدى تاپسىردى.

«مۇنداي ماسەلەلەردە ەكسپەريمەنت جاساۋعا بولمايدى»، دەپ اتاپ ءوتتى پرەمەر-مينيستر ب.ساعىنتاەۆ.

ەسكە سالايىق، ەلىمىزدەگى مەديتسينالىق جوعارى وقۋ ورىندارىندا پەدياتريا فاكۋلتەتتەرى 2007 جىلى جابىلدى، باكالاۆريات دەڭگەيىندە دارىگەرلەردى دايارلاۋ جالپى تاجىريبەدەگى دارىگەرلەردى دامىتۋ قاعيداتى بويىنشا جۇزەگە اسىرىلادى. 

 اباي-اقپارات