«قوعامنىڭ كوڭىل-كۇيى سىزدەردىڭ كاسىبيلىكتەرىڭىزگە، شىنايى اقپارات بەرۋلەرىڭىزگە بايلانىستى. سىزدەر قوعامدىق پىكىردى قالىپتاستىراسىزدار. سول ءۇشىن دۇرىس اقپارات بەرۋ سىزدەردىڭ جاۋاپكەرشىلىكتەرىڭىزدە»، - دەلىنگەن پرەزيدەنتتىڭ قۇتتىقتاۋ سوزىندە.

اتامباەۆ سونىمەن بىرگە ەركىن، دەموكراتيالىق جانە اشىق ازاماتتىق قوعام قۇرۋدا ەلدەگى باق باستى ءرول وينايدى دەپ اتاپ وتكەن.

«ورتالىق ازيادا ءسوز بوستاندىعى جاعىنان قىرعىزستان الدىڭعى قاتاردا ەكەنى ەشكىمگە جاڭالىق ەمەس. ءبىر جازۋشى ايتقانداي: (جاركو پەتان – سلوۆەنيالىق جازۋشى، ستسەناريست، رەجيسسەر): «جارقىن بولاشاقتىڭ قامىن ساياساتكەرلەر ويلايدى، وتكەننىڭ جاقسىلىعى تۋرالى تاريحشىلار، قازىرگى جارقىن ءومىر تۋرالى جۋرناليستەر قام جەيدى».جۋرناليست حالىق ءۇشىن الەمدەگى وقيعانىڭ، اقپاراتتىڭ، جاڭالىقتاردىڭ گيدى»، - دەگەن پرەزيدەنت.

وسىلاردى ايتا كەلە پرەزيدەنت ەلدىڭ بولاشاعى ءۇشىن جۋرناليستەرى جالعان، وسەك سوزدەر مەن دالەلدەنبەگەن اقپاراتقا جول بەرمەۋگە شاقىردى.

اباي اقپارات