شارۋالار جاقسى بىلەدى، ءونىمدى وندىرۋدەن ونى وتكىزۋ قيىن. وسىنى ەسكەرگەن جەرگىلىكتى كاسىپكەرلەر ءارى ديحاندارعا جاردەم جاساۋ، ءارى وزدەرىنىڭ دە كاسىبىن دوڭگەلەتۋدى قولعا العاندار كوبەيىپ كەلەدى. سونىڭ ءبىرى – وڭتۇستىك قازاقستان وبلىسى، تۇركىستان قالاسىنداعى ء«ال-بەرەكە» كووپەراتيۆىن ايتۋعا بولادى.

تۇركىستانداعى ورانعاي ەلدى مەكەنىندە اشىلعان ء«ال-بەرەكەا كووپەراتيۆىنىڭ كونسەرۆى تسەحى كونسەرۆىلەنگەن كوكونىس ونىمدەرىن شىعارادى. شيكىزات جەرگىلىكتى ديحانداردان جەتكىزىلەتىندىكتەن، ءونىمنىڭ دە وزىندىك باعاسى جوعارى بولماۋى ءتيىس دەپ كۇتىلۋدە. بۇعان، ارينە، وندىرگەن ءونىمنىڭ دالادا قالمايتىنىنا جەرگىلىكتى شارۋالار دا قۋانىشتى.

«تۇركىستان ازىق-تۇلىكپەن ءوزىن-ءوزى 100 پايىز قامتيتىن ايماققا اينالۋى كەرەك!». تسەحتىڭ اشىلۋ سالتاناتىندا وسىلاي دەگەن تۇركىستان قالاسىنىڭ اكىمى الىپبەك وسەرباەۆ وسى شارۋانىڭ ءتۇيىنىن تارقاتۋدى جاۋاپتى ازاماتتارعا تاپسىردى. مامانداردىڭ سوزىنە سەنسەك، بۇگىندە جەرگىلىكتى كاسىپكەرلەر 20 مىڭ تونناعا دەيىن ءسۇت ءوندىرىپ، ونى كەنتاۋ مەن شىمكەنت قالالارىنا جەتكىزەدى ەكەن. ال، كوكونىس ءوندىرۋ كولەمىن 1172 تونناعا، باقشا ونىمدەرىن 172 تونناعا دەيىن جەتكىزىپ، ساۋداعا شىعارعان. ەندى وسى ونىمدەردى كوكونىس كۇيىندە عانا ساتپاي، كونسەرۆىلەنگەن توساپتار مەن شىنىداعى شىرىن ءوندىرۋ ءىسى بەلەڭ الاتىن بولادى. ايتقانداي، وسىناۋ جاعتسىمدى جاڭالىقتىڭ ارقاسىندا تۇركىستاندىق 40-قا جۋىق ازامات تۇراقتى جالاقىسى بار جۇمىسقا ورنالاسپاق.   

Abai.kz