كەشە وبلىس اكىمى ج.تۇيمەباەۆ وبلىسقا ءىس-ساپارمەن كەلگەن استانا جانە قازاقستان ميتروپوليتى الەكساندردى قابىلدادى. كەزدەسۋ بارىسىندا ءدىني قىزمەت، ەتنوسارالىق جانە كونفەسسياارالىق تۇراقتىلىقتى ودان ءارى جاقسارتۋ ماسەلەلەرى تالقىلاندى. 

استانا جانە قازاقستان ءميتروپوليتى الەكساندرمەن كەزدەسۋ بارىسىندا ءدىن سالاسىنداعى تۇراقتىلىقتى، ۇلتارالىق كەلىسىمدى قامتاماسىز ەتۋدە قر پرەزيدەنتى ن.ا.نازارباەۆتىڭ ءرولىن ەرەكشە اتاپ ءوتىپ، بىردە-ءبىر مەملەكەتتە تەڭدەسى جوق ۇلتارالىق كەلىسىمنىڭ بىرەگەي ينستيتۋتى - قازاقستان حالقى اسسامبلەياسىنىڭ قۇرىلۋىندا ەلباسىنىڭ ەڭبەگى زور ەكەنىن جەتكىزدى. 
ءوز كەزەگىندە، ءوڭىر باسشىسى ءدىني بىرلەستىكتەردىڭ، اسىرەسە، ورىس پراۆوسلاۆ شىركەۋىنىڭ بەيبىتشىلىك پەن كەلىسىمدى ساقتاۋدا، ءبىر-بىرىنە تۇسىنىكپەن قاراۋدا جانە ءوزارا ءىس-قيمىلدارداعى ءرولىن ايتا كەلىپ، وڭتۇستىك قازاقستان وبلىسىندا ءدىني بىرلەستىكتەردىڭ بىرلەسە قىزمەت جاساۋدىڭ ءداستۇرى قالىپتاسقانىن ايتتى.

ج.تۇيمەباەۆ، بۇل رەتتە ەل پرەزيدەنتىنىڭ باستاماسىمەن جۇرگىزىلىپ جاتقان كوپتەگەن بەيبىتسۇيگىش ۇلكەن جۇمىستاردىڭ، اسىرەسە، قازاقستاندا ءوتىپ جاتقان الەمدىك جانە ءداستۇرلى دىندەر كوشباسشىلارىنىڭ سەزدەرىنىڭ وڭدى ناتيجەسى ەكەنىن جەتكىزدى. 

سونىمەن قاتار، كەزدەسۋ بارىسىندا ورىس شىركەۋىنىڭ وڭتۇستىك ءوڭىرى اتىنان شىمكەنت جانە تاراز ەپارحياسىنىڭ ارحيەپيسكوپى ەلەۆفەري ءسوز سويلەپ، تۇراقتىلىقتى قامتاماسىز ەتۋ مەن كونفەسسياارالىق قارىم-قاتىناستاردى ورناتۋداعى بىرلەسكەن جۇمىستاردا تابىستار تىلەدى.

Abai.kz