ەل ەكونوميكاسىنداعى قوزعاۋشى كۇشتەردىڭ ءبىرى كاسىپكەرلىك ەكەندىگى بەلگىلى. بۇل رەتتە ايماقتىڭ ەكونوميكاسىنىڭ دامۋىنا ارىستىق كاسىپكەرلەر وزدەرىنىڭ قوماقتى ۇلەستەرىن قوسىپ كەلەدى.

وسى ورايدا ارىس قالاسىنىڭ اكىمى م.قادىربەك «بيزنەستىڭ جول كارتاسى-2020» جانە «جۇمىسپەن قامتۋ-2020» مەملەكەتتىك باعدارلامالارىنىڭ قالامىزدا ىسكە اسۋ بارىسىمەن تانىسۋ ماقساتىندا قالامىزداعى بىرقاتار كاسىپكەرلەردىڭ جۇمىس ورىندارىندا بولىپ، شىعارىلاتىن ءونىمنىڭ ساپاسى مەن ونداعى جۇمىسشىلاردىڭ جاعدايىمەن تانىستى. اتاپ ايتقاندا، «ارىسشپالزاۆودى» جاۋاپكەرشىلىگى شەكتەۋلى سەرىكتەستىگى تاۋلىگىنە 70 ۆاگونعا دەيىن تەحنيكالىق قىزمەت كورسەتەدى، «اراي» وك اياق كيىم شىعاراتىن تسەح، تاۋلىگىنە 30 پار اياق كيىم تىگىپ شىعارادى، «جك ا.ارتىكوۆا» جانە «جك ت.پەرنەباەۆا» كيىم شەبەرحانالارى تاپسىرىسقا سايكەس، ءار ءتۇرلى ساناتتاعى كيىمدەر تىگۋمەن اينالىسسا، «جك ب.سارباسوۆتىڭ» ديىرمەنى تاۋلىگىنە 120 توننا بيداي وڭدەپ، ۇن شىعارىپ قازاقستاننىڭ بارلىق وبلىستارىمەن قاتار اۋعانستان، تاجىكستان رەسپۋبليكالارىنا ەكسپورتتايدى. ديىرمەن كەشەنىندەگى ناۋبايحانا تاۋلىگىنە 3500-4000 دانا بولكە نان شىعارىپ، وڭىرىمىزدەگى ەڭ ارزان نان 35 تەڭگەدەن حالىق يگىلىگىنە ۇسىنۋدا.

كاسىپكەرلىك نىسانداردىڭ تىنىس-تىرشىلىگىمەن تانىسقان شاھار باسشىسى م.قادىربەك كاسىپكەرلەردىڭ ىسكەرلىگىنە العىسىن ءبىلدىرىپ، جۇمىستارىنا ساتتىلىك تىلەدى.

Abai.kz