الماتى اكىمى باۋىرجان بايبەك ۋنيۆەرسياداعا بيلەت ساتىپ الۋ ءۇشىن كومەكشىسىنەن 400 تەڭگەنى قارىزعا سۇرادى. بۇل تۋرالى informburo.kz باسىلىمى حابارلايدى.

الماتى قالاسىنىڭ اكىمى باۋىرجان بايبەك ۋنيۆەرسيادانىڭ باستالۋىنا 100 كۇن قالۋىنا وراي ۇيىمداستىرىلعان شاراعا قاتىستى. الايدا كاسسادا وعان بيلەت ساتىپ الۋ ءۇشىن 400 تەڭگە جەتپەي قالدى. ەكى بيلەتتىڭ قۇنى 2400 تەڭگە بولاتىن. جەتپەي قالعان 400 تەڭگەنى وعان كومەكشىسى بەردى.

اكىم وسىلايشا 2017 جىلدىڭ 7 اقپانىنا جوسپارلانعان جارىسقا ايەلى ەكەۋىنە بيلەت ساتىپ الدى. “الماتى قالاسىندا الەمدىك 28-ءشى قىسقى ۋنيۆەرسيادا ويىندارىنىڭ اشىلۋ سالتاناتى وتەدى. اعىمداعى جىلدىڭ دا تاۋەلسىزدىگىمىزدىڭ 25 جىلدىعى، سۇيىكتى قالامىزدىڭ مىڭ جىلدىعى سىندى شارالارىمەن تانىمال ەكەنىن بىلەسىزدەر”، – دەيدى بايبەك.

ول شاراعا 2 000-نان استام سپورتشىنىڭ قاتىساتىندىعىن اتاپ ءوتتى. شەنەۋنىك الماتى حالقىن قوعامدىق شارالارعا قاتىسۋعا شاقىردى. “ۋنيۆەرسياداعا دەيىن 100 كۇن قالدى” جوباسى الماتى قالاسىندا 21 قازان كۇنى ءوتتى. ول ەكى كۇنگە سوزىلادى. ەكىنشى كۇن مەدەۋدە وتەتىن بولادى.

Abai.kz