ماقتارال اگرارلىق كولەدجىنىڭ ۇيىمداستىرۋىمەن قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي ء«بىز باقىتتى جاستارمىز!» اتتى اكتسيا ءوتتى. تىكەلەي كوللەدج باسشىلىعىنىڭ تاپسىرماسىمەن وتكەن ءىس-شارادا  جۇزدەگەن ستۋدەنتتەردەن قۇرالعان توپ كونتسەرتتىك باعادارلاما كورسەتىپ، جوعارى دەڭگەيدە فلەشموب ۇيىمداستىردى.

ماقتارال اگرارلىق كوللەدجىنىڭ ديرەكتورى نۇرحان دىلدابەكوۆ، ماقتارال اۋداندىق «قوعامدىق كەلىسىم» كمم باسشىسى اباي ەسەنبەكوۆ، اۋداندىق «جاستار رەسۋرستىق ورتالىعى» كمم-ءنىڭ ديرەكتورى مۇحتار بەيسەنباەۆ قاتىسقان جيىندا تاۋەلسىزدىكتىڭ جەتىستىكتەرى، تاريحى، ەگەمەن ەلدە تۋىلعان جاستارعا ەلباسىمىزدىڭ جاساپ جاتقان جاعدايى مەن جوبالارى جايلى ايتىلدى.

ايتا كەتەيىك، ماقتارال اۋدانىندا 90 مىڭعا جۋىق جاستار بولسا، ماقتارال اگرارلىق كوللەدجىندە 1000-عا جۋىق ستۋدەنتتەر وقيدى. وتە جوعارى دەڭگەيدە ۇيىمداستىرىلعان فلەشموب ءۇشىن ماقتارال اۋدانى اكىمى اپپاراتىنىڭ اتىنان كوللەدج باسشىلىعىنا العىس بىلدىرەمىز!

ەستەرىڭىزگە سالا كەتەيىك! ماقتاارال اۋدانى وڭتۇستىك وڭىردەگى اۋىلشارۋاشىلىق سەكتورى قارقىندى دامىعان اۋدان بولىپ تابىلادى. مۇنىڭ جارقىن دالەلى - بۇكىل رەسپۋبليكاعا «اق التىن ءوندىرۋ زاۋىتى» دەگەن اتپەن تانىلعان ماقتارال اۋدانىنىڭ شارۋالارى سوڭعى 10 جىلدا قاۋىن-قاربىز وسىرۋمەن دە تانىمال بولا باستادى. بۇگىندە ماقتارالدىق ديقاندار قاۋىن-قاربىز ءوسىرۋدى شەبەر مەڭگەرىپ، باقشا داقىلدارىنىڭ ەكسپورتقا جارامدى نەشە ءتۇرلى سورتتارىن جاساپ شىعارۋدا.

ءبىر عانا مىسال، ماقتارالدىق ديقاندار بيىل 28 مىڭ گەكتار جەردەن 610 مىڭ توننا قاۋىن-قاربىز السا، سونىڭ 450 مىڭ تونناسىن شەت ەل نارىعىنا شىعارعان. بۇل گەكتارىنان 263 تسەنتنەردەن ءونىم الىپ، وتكەن جىلمەن سالىستىرعاندا 25 تسەنتنەرگە ارتىق قاۋىن-قاربىز جيناعان مىرزاشولدىكتەر باقشا داقىلدارىن وسىرۋدەن ورتا ازيانىڭ كوشباسشىسى ەكەندىگىن دالەلدەيدى.

Abai.kz