Мақтарал аграрлық коледжінің ұйымдастыруымен Қазақстан Республикасы Тәуелсіздігінің 25 жылдығына орай «Біз бақытты жастармыз!» атты акция өтті. Тікелей колледж басшылығының тапсырмасымен өткен іс-шарада  жүздеген студенттерден құралған топ концерттік бағадарлама көрсетіп, жоғары деңгейде флешмоб ұйымдастырды.

Мақтарал аграрлық колледжінің директоры Нұрхан Ділдәбеков, Мақтарал аудандық «Қоғамдық келісім» КММ басшысы Абай Есенбеков, аудандық «Жастар ресурстық орталығы» КММ-нің директоры Мұхтар Бейсенбаев қатысқан жиында тәуелсіздіктің жетістіктері, тарихы, егемен елде туылған жастарға Елбасымыздың жасап жатқан жағдайы мен жобалары жайлы айтылды.

Айта кетейік, Мақтарал ауданында 90 мыңға жуық жастар болса, Мақтарал аграрлық колледжінде 1000-ға жуық студенттер оқиды. Өте жоғары деңгейде ұйымдастырылған флешмоб үшін Мақтарал ауданы әкімі аппаратының атынан колледж басшылығына алғыс білдіреміз!

Естеріңізге сала кетейік! Мақтаарал ауданы Оңтүстік өңірдегі ауылшаруашылық секторы қарқынды дамыған аудан болып табылады. Мұның жарқын дәлелі - бүкіл республикаға «Ақ алтын өндіру зауыты» деген атпен танылған Мақтарал ауданының шаруалары соңғы 10 жылда қауын-қарбыз өсірумен де танымал бола бастады. Бүгінде мақтаралдық диқандар қауын-қарбыз өсіруді шебер меңгеріп, бақша дақылдарының экспортқа жарамды неше түрлі сорттарын жасап шығаруда.

Бір ғана мысал, мақтаралдық диқандар биыл 28 мың гектар жерден 610 мың тонна қауын-қарбыз алса, соның 450 мың тоннасын шет ел нарығына шығарған. Бұл гектарынан 263 центнерден өнім алып, өткен жылмен салыстырғанда 25 центнерге артық қауын-қарбыз жинаған мырзашөлдіктер бақша дақылдарын өсіруден Орта Азияның көшбасшысы екендігін дәлелдейді.

Abai.kz