وڭتۇستىك قازاقستان وبلىسىنىڭ اكىمى جانسەيىت تۇيمەباەۆ وڭىردەگى ونەركاسىپ ورىندارىن ارالاعان ساپار بارىسىندا اۋماعى 112 گەكتار بولاتىن ساۋدا-لوگيستيكالىق ورتالىعىندا بولدى.

«بۇل ورتالىقتا شارشى مەترى 242,5 مىڭ قۇرايتىن 8 ينۆەستيتسيالىق جوبا جۇزەگە اسىرىلۋدا. «بيزنەستىڭ جول كارتاسى-2020» باعدارلاماسى اياسىندا «باتىس قىتاي - باتىس ەۋروپا» حالىقارالىق اۆتودالىزىنە قوساتىن جول، تەمىر جول تۇيىعى، قۋاتتىلىعى 10 مۆت بولاتىن ەلەكتر ستانساسى، ورتالىقتاندىرىلعان گاز جانە سۋ قۇبىرلارىنىڭ قۇرىلىستارى جۇرگىزىلگەن. زاماناۋي كەشەندەگى سالىنىپ جاتقان قۇرىلىستاردىڭ جۇمىسىمەن تانىسقان ايماق باسشىسى ساۋدا-لوگيستيكالىق ورتالىعى اۋىل شارۋاشىلىعىنا بەيىمدەلگەن وڭتۇستىك ءوڭىرىنىڭ ەكونوميكاسىنا وڭ ىپقالىن تيگىزىپ، وبلىس ءونىمىن الەمدىك نارىققا شىعارۋعا زور مۇمكىندىك بەرەتىنىن اتاپ ءوتتى. سونىمەن قاتار، ءتيىستى مەكەمە باسشىلارىنا اتالعان ورتالىقتىڭ اۋماعىن ۇلعايتۋدى جۇكتەدى»، - دەپ مالىمدەيدى وبلىس اكىمىنىڭ ءباسپاسوز قىزمەتى.

وڭتۇستىك قازاقستان وبلىسىندا اۋىلشارۋاشىلىق سەكتورى قارقىندى دامىپ كەلەدى. وڭتۇستىككە جاساعان ساپارى كەزىندە مەملەكەت باسشىسى ارنايى تاپسىرمالار بەرىپ، وڭىردەگى اگرو سەكتوردىڭ جۇمىسىن جانداندىرۋدى تاپسىرعان بولاتىن. اسىرەسە وڭتۇستىك قازاقستان وبلىسى، سوزاق اۋدانىنىڭ قاراكول قويلارى بىرىككەن اراب امىرلىكتەرىنە ەكسپورتتالۋى جانە اۋىلشارۋاشىلىق ونىمدەرىنىڭ ەو ەلدەرى نارىعىنا شىعۋى قاجىرلى ەڭبەكتىڭ ۇلكەن جەڭىسى ەكەنى انىق.

Abai.kz