.png)
اقوردا: نازارباەۆ حالىقارالىق شارالارعا ازىرگە قاتىسپايدى
قازاقستان پرەزيدەنتى نۇرسۇلتان نازارباەۆ اپتا سوڭىنا دەيىن حالىقارالىق شارالارعا قاتىسپايدى، دەپ حابارلادى پرەزيدەنتتىڭ ءباسپاسوز حاتشىسى ايدوس ۇكىباي.
ونىڭ ايتۋىنشا، پرەزيدەنت كەستەسىنە "بىرقاتار تۇزەتۋلەر" ەنگىزىلگەن، ال ەرەۆانداعى ۇجىمدىق قاۋىپسىزدىك شارتى ۇيىمىنىڭ (ۇقشۇ) كەڭەس جينالىسىنا قازاقستان پرەمەر-ءمينيسترى قاتىسادى.
پرەزيدەنت "سۋىق ءتيىپ قالۋىنا بايلانىستى" ەم قابىلداپ جاتىر، دەدى ۇكىباي. ونىڭ ايتۋىنشا، نازارباەۆتىڭ دەنساۋلىق جاعدايى جامان ەمەس.
نازارباەۆ ەرەۆانعا 13 قازاندا بارۋدى جوسپارلاعان ەدى.
ەم قابىلداپ بولعان سوڭ نازارباەۆ ادەتتەگىدەي جۇمىسقا شىعاتىن بولادى، دەدى ۇكىباي.
اباي-اقپارات
