«حاماڭنىڭ» عاسىرلىق تويى الماتىدا ءوتتى...

الماتىدا قازاق پوەزياسىنىڭ كورنەكتى ەپيك اقىنى، مەملەكەتتىك سىيلىقتىڭ يەگەرى، قازاقستاننىڭ حالىق جازۋشىسى حاميت ەرعاليەۆتىڭ تۋعانىنا 100 جىل تولۋىنا وراي سالتاناتتى كەش ءوتتى.

حاميت ەرعالي (14.10.1916-13.12.1997) گۋرەۆ وبلىسىنىڭ  نوۆوبوگات  اۋىلىندا (قازىرگىاتىراۋ وبلىسى، يساتاي اۋدانى،  حاميت ەرعالي اتىنداعى اۋىل) دۇنيەگە كەلگەن. 1939 جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىنە قابىلداندى. 1940-45 جىلدارى سوۆەت ارمياسىنىڭ قاتارىندا، ۇلى وتان سوعىسىنىڭ مايداندارىندا بولدى.1945-50 جىلدارى رەسپۋبليكالىق «سوتسياليستىك قازاقستان» (قازىرگى «ەگەمەن قازاقستان») گازەتىندە ءتىلشى، 1959 جىلعا دەيىن قازاقستان جازۋشىلار وداعىنىڭ پوەزيا سەكتسياسىنىڭ، قازاقتىڭ مەملەكەتتىك كوركەم əدەبيەت باسپاسى ءبولىمىنىڭ مەڭگەرۋشىسى قىزمەتىن اتقارعان.1959 جىلدان ءومىرىنىڭ اقىرىنا دەيىن بىرىڭعاي شىعارماشىلىق جۇمىسپەن اينالىسقان.«Əكە سىرى»، «ۇلكەن جولدىڭ ۇستىندە»، ء«بىزدىڭ اۋىلدىڭقىزى»، «قۇرمانعازى»، «كۇي داستان»، «ورالداعى وتتى ءتۇن»، «اڭىز اتا»،«قىز-حيسسا»،«جىلدار، جىلدار»، «سۋىت ءجۇرىس»، ت.ب. داستاندارى بار.اۋدارماشى رەتىندە پۋشكين مەن لەرمونتوۆتىڭ، شەكسپير مەن بايروننىڭ، سوفوكل،ناۋاي، ش.پەتەفي، ماياكوۆسكي، ر.گامزاتوۆ تۋىندىلارىن قازاق وقىرماندارىناجەتكىزدى.قىرعىزدىڭ «ماناس»، قاراقالپاقتىڭ «قىرىق قىز» اتتى حالىقتىق جىرلارىنقازاقشالادى.ۆ.شەكسپيردىڭ سوننەتتەرىن اۋدارعانى ءۇشىن ول 1996 جىلىبريتانيا كورولەۆاسىنىڭ العىس حاتىنا يە بولعان.

الماتى قالاسى اكىمدىگىنىڭ ۇيىمداستىرۋىمەن وتكىزىلگەن سالتاناتتى كەشكە قالا اكىمدىگىنىڭ وكىلدەرى، قازاقستان جازۋشىلار وداعىنىڭ توراعاسى نۇرلان ورازالين، اقىننىڭ ۇلى مۇرات ەرعاليەۆ تاعى باسقا زيالى قاۋىم وكىلدەرى مەن قالامگەرلەر قاتىسادى. بەلگىلى اقىن ۇلىقبەك ەسداۋلەت مەرەيتوي يەسىنىڭ بار بولمىسىن اشىپ بەرەتىن بايانداما جاسادى. اقىن ارنايى داستان ارناعان قۇرمانعازىاتىنداعى وركەستر قۇرمانعازى كۇيلەرىن كۇمبىرلەتسە، رامازان ستامعازيەۆ، نۇرجان جانپەيىسوۆ، جانارگۇل ساركەنوۆا، فارحات كۋبەەۆ، قايىرجان بەردىباەۆ سىندى انشىلەر ءار الۋان تاقىرىپتاعى اندەردى شىرقادى. سونىمەن بىرگە اقىن ءومىرى تۋرالى دەرەكتى فيلم كورسەتىلىپ، ولەڭدەرى وقىلدى. عاسىرلىق تويى ارقىلى كورنەكتى قالامگەردىڭ رۋحىنا تاعزىم جاسالىپ، ەلگە ەتكەن ەڭبەكتەرى تاعى ءبىر ءسات جۇرت جادىندا جاڭعىردى.

ازامات الاشتەگى

Abai.kz