وڭتۇستىك قازاقستان وبلىسىندا «وبلىستىق جاس تۋريستەر ستانتسياسى» مەكەمەسىنىڭ ۇيىمداستىرۋىمەن ەل تاۋەلسىزدىگىنىڭ 25 جىلدىعىنا ارنالعان «ۇلى دالا ۇلاندارى» اشىق وبلىستىق تۋريستىك جارىسى ءوتتى.

تولەبي اۋدانى بىركولىك شاتقالىندا ورنالاسقان «تاۋ بارىسى» تۋريستىك لاگەرىندە وتكىزىلگەن شاراعا كەنتاۋ، تۇركىستان، ارىس، سايرام، تولەبي، تۇلكىباس، سوزاق، ماقتارال، شاردارا، قازىعۇرت، وتىرار، سارىاعاش، بايدىبەك جانە ارىس قالالىق، اۋداندىق جاس تۋريستەر ستانتسيالارىنان 17 توپ، سارىاعاش اۋدانىنداعى «سامال»، تۇركىستانداعى «حامزا» مەكتەپتەرىنەن 4 توپ جانە شىمكەنت قالاسى مەكتەپتەرىنەن 18 توپ، جالپى سانى 252 وقۋشى، 73 جەتەكشى قاتىستى.

قاتىسۋشىلار 5 كۇن بويى دالالىق جاعدايدا شاتىردا تۇنەپ، استى وتقا دايىندادى. سونىمەن بىرگە، ءىس-شارا كەزىندە وقۋشىلار «باعىتتى كوزبەن انىقتاۋ»، «جارتاسقا ورمەلەۋ»، «قورىتىندى تۋريستىك باعىت»، «كاپيتاندار»، «ەمبلەما»، «اندەر» سايىستارىنا قاتىستى.

وسىلايشا، قالالىق، اۋداندىق جاس تۋريستەر ستانتسياسى توپتارى اراسىنان جارىستىڭ جالپىتوپتىق قورىتىندىسى بويىنشا ءى ورىندى سايرام اۋداندىق جاس تۋريستەر ستانتسياسى جەڭىپ السا، ءىى ورىن تۇركىستان قالالىق جاس تۋريستەر ستانتسياسىنا بەرىلدى. ال جۇلدەلى ءىىى ورىنعا وتىرار اۋداندىق جاس تۋريستەر ستانتسياسى لايىقتى دەپ تانىلدى.

قالا مەكتەپتەرى توپتارى اراسىنان جارىستىڭ جالپىتوپتىق قورىنىتىندىسى بويىنشا ءى ورىنعا شىمكەنتتەگى №55 مەكتەپ يە بولسا، ءىى ورىن №27 مەكتەپكە بۇيىردى. ال ءىىى ورىنعا №28 مەكتەپ لايىقتى دەپ تانىلدى.

وقو اكىمىنىڭ ءباسپاسوز قىزمەتى