قر ءبىلىم جانە عىلىم مينيسترلىگىنىڭ ۇيىمداستىرۋىمەن وسى جىلدىڭ 10 قىركۇيەگىندە ء«ححى عاسىر اتا-انالارىنىڭ: ء«وز بالاڭا ۇلگى بول!» اكتسياسى جاريالانعان بولاتىن. بۇل تۋرالى "اباي اقپارات" پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

1 سىنىپ وقۋشىلارىنىڭ اتا-انالارىنا ارنالعان پسيحولوگيالىق- پەداگوگيكالىق كومەك رەتىندە وتكىزىلگەن رەسپۋبليكالىق شاراعا وبلىس بويىنشا 892 مەكتەپ پەن ورتالىقتاندىرىلعان ءبىلىم بەرۋ مەكەمەسى قاتىسىپ، 60 مىڭنان استام  اتا-انا جۇمىلدىرىلدى. 

مەكتەپ پەن  اتا-انا اراسىنداعى بايلانىستى نىعايتۋ، بالا تاربيەسىندە مۇعالىم عانا ەمەس، اكە مەن انانىڭ ءرولىن كۇشەيتۋ ماقساتىندا وتكىزىلگەن اكتسيا 7 قازان كۇنى ەلوردادا وتكەن دوڭگەلەك ۇستەلدە قورىتىندىلاندى.

قازاقستان رەسپۋبليكاسىنداعى ءبىلىم بەرۋ ۇيىمدارى ىشىنەن وزىق مەتوديكالاردى پايدالانا وتىرىپ، اتا-انالارمەن جۇمىس جۇرگىزۋدە كوش باستاعان وڭتۇستىك مۇعالىمدەرى ءتۇرلى اتالىمداعى 32 ماراپاتقا يە بولىپ، وڭتۇستىك قازاقستان وبلىستىق ءبىلىم باسقارماسى ەڭ ۇزدىك ءبىلىم بەرۋ ۇيىمى بولىپ تابىلدى. سونىمەن قاتار، استانا تورىندە شىمكەنت قالاسىنداعى №83 ورتا مەكتەپ ۇجىمىنىڭ اتا- انالارمەن جيىن ۇلگىسى كورسەتىلدى.

ايتا كەتەيىك، وڭتۇستىك وڭىردە مۇنداي تاربيەلىك ءىس-شارالار ءجيى وتكىزىلىپ كەلەدى. وبلىس اكىمىنىڭ باستاماسىمەن وقو-دا انا مەن بالا اراسىنداعى وتباسىلىق تاربيەنىڭ ماڭىزىن ارتتىرۋعا باعىتتالعان بىرقاتار شارالار اتقارىلعانىن حابارلاعان ەك. وبلىستىق ءىىد قىزمەتكەرلەرى دە اتا-انالارعا پەدوگوگيكالىق جۇمىستار جۇرگىزگەن بولاتىن.

وقو اكىمىنىڭ ءباسپاسوز قىزمەتى