رەسمي مالىمەت بويىنشا، توعىز ازامات "تەراكت جاساۋعا تىكەلەي قاتىسقان", 18 ازامات "ازىرلەنىپ جاتقان قىلمىس تۋرالى حابارلاماعان", ەكى ازامات "قىلمىستى بۇركەمەلەگەن".

وبلىستىق پروكۋراتۋرانىڭ حابارلاۋىنشا، كۇدىكتىلەردىڭ بارلىعى تەرگەۋ كەزىندە "كىنالارىن تولىق مويىندادى".ولارعا قىلمىستىق كودەكستىڭ بىرنەشە بابى بويىنشا ايىپ تاعىلدى. شابۋىل كەزىندە جانە ودان كەيىنگى ارنايى وپەراتسيالار بارىسىندا قازا تاپقان 18 كۇدىكتىگە قاتىستى ءىس جابىلىپ، تەرگەۋ اياقتالدى.

ءىس بويىنشا 101 ادام جابىرلەنۋشى دەپ تانىلدى. ءىستى اقتوبە وبلىستىق مامانداندىرىلعان اۋدانارالىق سوتتا قارايدى.

اقتوبە قالاسىندا 5 ماۋسىمدا قارۋلى شابۋىل بولدى. 26 قارۋلى كىسى قالاداعى ەكى قارۋ-جاراق دۇكەنىن باسىپ الدى. شابۋىلدار كەزىندە جانە ودان كەيىنگى ارنايى وپەراتسيالار بارىسىندا 20-دان استام ادام قايتىس بولدى، 40-قا جۋىعى جارالاندى. بيلىك شابۋىلدى ء"دىني راديكالدىق توپ" ۇيىمداستىردى دەپ ەسەپتەيدى.

Abai.kz