اگروونەركاسىپتىك كەشەن سالاسىندا اۋىل شارۋاشىلىعى ونىمدەرىن قايتا وڭدەۋگە قولداۋ كورسەتۋ ماقساتىندا، اۋىل شارۋاشىلىعى تاۋار وندىرۋشىلەرىنىڭ وندىرگەن ونىمدەرىن تىكەلەي ساۋدا ورىندارى مەن قايتا وڭدەۋ كاسىپورىندارىنا جەتكىزۋ ءۇشىن رەسپۋبليكامىزدا دايىنداۋشى ۇيىمداردى قايتا قۇرۋ جۇمىستارى قولعا الىنۋدا.

وسى جۇمىستاردى ءىس جۇزىنە اسىرۋ اياسىندا قازاقستان رەسپۋبليكاسى اۋىل شارۋاشىلىعى ءمينيسترىنىڭ 30.03.2015 جىلعى «اگروونەركاسىپتىك كەشەن سالاسىنداعى دايىنداۋشى ۇيىمدارعا ەسەپتەلگەن قوسىلعان قۇن سالىعى شەگىندە بيۋدجەتكە تولەنگەن قوسىلعان قۇن سالىعىنىڭ سوماسىن سۋبسيديالاۋ قاعيدالارىن بەكىتۋ تۋرالى» №9-3/271 جانە 30.03.2015 جىلعى «اگروونەركاسىپتىك كەشەن سالاسىنداعى دايىنداۋشى ۇيىمداردى اككرەديتتەۋ قاعيدالارىن بەكىتۋ تۋرالى» №9-3/278 بۇيرىقتارى مەن ستاندارتتارىنا سايكەس، وڭتۇستىك قازاقستان وبلىسى اكىمدىگىنىڭ 2016 جىلعى 14 ناۋرىزدا «اگروونەركاسىپتىك كەشەن سالاسىنداعى مەملەكەتتىك كورسەتىلەتىن قىزمەتتەر رەگلامەنتتەرىن بەكىتۋ تۋرالى» №57 قاۋلىسى قابىلدانعان.

دايىنداۋشى ۇيىم – «اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى» 2005 جىلعى 8 شىلدەدەگى قر زاڭىنىڭ 16-بابى 1 تارماعىنىڭ 2) تارماقشالارىنا جانە قر اۋىل شارۋاشىلىعى ءمينيسترىنىڭ 30.03.2015 جىلعى «اگروونەركاسىپتىك كەشەن سالاسىنداعى دايىنداۋشى ۇيىمدارعا ەسەپتەلگەن قوسىلعان قۇن سالىعى شەگىندە بيۋدجەتكە تولەنگەن قوسىلعان قۇن سالىعى سوماسىن سۋبسيديالاۋ قاعيدالارىن بەكىتۋ تۋرالى» №9-3/271 بۇيرىعىنا سايكەس، اۋىل شارۋاشىلىعى ءونىمىن دايىنداۋدى، ساقتاۋدى، تاسىمالداۋدى جانە وتكىزۋدى جۇزەگە اسىراتىن اككرەديتتەلگەن زاڭدى تۇلعا بولىپ تابىلادى.

دايىنداۋشى ۇيىم – جەكە قوسالقى شارۋاشىلىقتان، شارۋا (فەرمەر) قوجالىعىنان جانە اۋىل شارۋاشىلىعى ءونىمىن ءوندىرۋدى جۇزەگە اسىراتىن زاڭدى تۇلعادان ساتىپ الىنعان اۋىل شارۋاشىلىعى ءونىمىن دايىنداۋدى، ساقتاۋدى، تاسىمالداۋدى جانە وتكىزۋدى جۇزەگە اسىرىپ، كاسىپكەرلىك قىزمەتتى دامىتا الادى.

Abai.kz