بۇگىن استاناعا رەسەيدەن كەيكى باتىردىڭ باس سۇيەگى اكەلىندى, - دەپ حابارلايدى اباي-اقپارات.

بۇعان دەيىن رەسەي مەن قازاقستان ۇكىمەت باسشىلارىنىڭ كەزدەسۋى بارىسىندا كەيكى باتىردىڭ باس سۇيەگىن ەلگە قايتارۋ جونىندە ۋاعدالاستىققا قول جەتكىزىلگەن بولاتىن.

رەسەي تاراپى قازاقستان ۇكىمەتى سۇراۋ سالعان كەنەسارىنىڭ باسى تابىلماي جاتقانىن حابارلاپ، كەيكى باتىردىڭ باسسۇيەگىن قايتارۋعا ءسوز بەرگەن-ءدى. سول كەلىسىمگە سايكەس، بۇگىن تاڭ اتا قانشاما جىلدار بويى پەتەربۋرگ قالاسىندا كۋنستكامەرادا تۇرعان باتىردىڭ باس سۇيەگى قازاقستانعا جەتكىزىلدى. بۇدان ءارى قانداي راسىمدەر اتقارىلاتىنىن Abai.kz اقپاراتتىق پورتالى نازاردا ۇستايتىن بولادى.

ەندى ەلباسىمىز بەن سۋ جاڭا ۇكىمەتىمىز وسى يگى ءىستى جالعاستىرىپ، قازاقتىڭ سوڭعى حانى كەنەسارىنىڭ باسسۇيەگىن اكەلۋ جۇمىسىن قولعا السا دەگەن ءوتىنىشىمىز بار. 

ەكس-پرەمەر ءماسىموۆتىڭ ءبىراۋىز ءسوزى كەيكى باتىردىڭ باسىن قايتارىپ الۋعا ىقپال ەتتى. ەندى ۇكىمەت قانا ەمەس، بۇل ىسكە ەلباسىنىڭ ءوزى ارالاسۋى قاجەت سەكىلدى. سەبەبى، كەنەسارىنىڭ سۇيەگىن نۇرسۇلتان ءابىشۇلى نازارباەۆتىڭ ءوزى سۇراتسا، پۋتين ارىپتەسىنىڭ ءسوزىن جەرگە قالدىرماس ەدى دەپ ويلايمىز.

جالپى، قازاقتىڭ سوڭعى حانىنىڭ باستى جوقتاۋشىسى تاۋەلسىز قازاقستاننىڭ تۇڭعىش پرەزيدەنتى نۇرسۇلتان نازارباەۆ بولۋى كەرەك. بۇل ابىرويلى جۇمىس ەلباسىمىزدىڭ قولىمەن جاسالسا، بۇكىل حالىقتىڭ رۋحى كوتەرىلىپ، پرەزيدەنتىمىزگە دەگەن حالىق ماحابباتى ەسەلەنە تۇسەرى انىق.  

ءشارىپحان قايسار

Abai.kz