قازاقستان رەسپۋبليكاسىنداعى «گەرمانيا ەكونوميكاسى» كۇنىنە وراي الماتى قالاسىنىڭ اكىمى باۋىرجان بايبەك بادەن-ۆيۋرتەمبەرگ فەدەرالدى جەرىنەن ساۋدا-ونەركاسىپتىك، ءىرى يننوۆاتسيالىق تەحنولوگيا جانە كولىك قۇراستىرۋشى بولىپ سانالاتىن (استاناسى شتۋتگارت قالاسى، گەرمانيا) وداق پالاتاسىنىڭ دەلەگاتسياسىن ارنايى قابىلدادى.

كەزدەسۋ بارىسىندا قالا اكىمى جىل سايىن ءداستۇرلى وتەتىن «قازاقستانداعى گەرمانيا ەكونوميكاسى كۇنى» ءداستۇرلى فورۋمعا جانە گەرماندىق كاسىپورىندارعا سەرىكتەستىكپەن بىرلەسكەن جۇمىستى ءوزارا ءتيىمدى شەشۋگە، ناقتىلانعان ينوۆاتسيالىق جوبالاردى تالقىلاۋعا ارنالعان تۇساۋكەسەرلىك الاڭدارعا اينالعاندىعىن ايرىقشا اتاپ ءوتتى.

ساۋدا-ونەركاسىپتىك وداق پالاتاسىنىڭ پرەزيدەنتى پەتەر كۋليتتس اتاپ وتكەندەي، ءتۇرلى ايماقتاردان جينالعان ەكونوميكا سالاسىندا قىزمەت اتقاراتىن دەلەگاتتاردىڭ، قازاقستاننىڭ ەڭ ءىرى ەكونوميكالىق ورتالىعىنا ىسكەرلىك بەلسەندىلىكتەرى مەن ولاردىڭ مۇمكىندىكتەرىمەن تانىسۋ ءۇشىن كەلگەندىگىن جەتكىزدى.

«ەۋرازيالىق وداقتا گەرمانيا قازاقستاننىڭ ەڭ ۇزدىك سەرىكتەسى بولىپ تابىلادى. ەكى ەل اراسىنداعى ساۋدا-ەكونوميكالىق قارىم-قاتىناستارىن تۇراقتى ديناميكالىق تۇردە نىعايتۋ جانە ەكونوميكالىق قاتىناستاردىڭ جاڭا مۇمكىندىكتەرىنىڭ كوزىن تابۋدى بىرلەسە ءجۇرىپ اتقارادى. سوندىقتان الماتى قالاسى گەرمانيالىق كاسىپورىندارىنا نارىققا شىعۋ مۇمكىندىكتەرىن جانە دە قازاقستان مەن ورتالىق ازيا ەلدەرىندە ينۆەستيتسيالىق قىزمەت كورسەتۋگە ىقپال ەتەدى» - دەدى ءوز سوزىندە باۋىرجان بايبەك.

سول كۇنى قازاقستاندىق «FalconEuroBus» كومپانياسىمەن جانە «Daimler AG» كولىكقۇرىلىس كونتسەرنى اراسىندا كەلىسىمشارتقا قول قويىلىپ، قالالىق باعىتتاردا قىزمەت كورسەتۋ ءۇشىن زاماناۋي 200 «مەرسەدەس» اۆتوبۋستارىنىڭ ىسكە قوسىلۋى جوسپارلاندى.

«FalconEuroBus» كومپانياسى 24 ميلليارد تەڭگەلىك ەۋروستاندارتقا ساي جولاۋشىلار كولىگىنىڭ پاركى قۇرىلىسىن ينۆەستيتسيالايدى.

اۋەزوۆ اۋدانىنداعى جەر ۋچاسكەسىنىڭ باتىس باعىتىنداعى تولە بي مەن ياسساۋي كوشەلەرىنىڭ قيىلىسىندا 7 گەكتارلىق جەر اۋماعىندا ورنالاستىرىلاتىن اكىمشىلىك كەشەنى، 2 قۇرال-سايمان قويماسى، جوندەۋ ورىنى، جانارماي قۇيۋ بەكەتتەرى، 255 جابىق تۇراقتارى، سونىمەن قاتار قىزمەتكەرلەر ءۇشىن وقۋ ورتالىعى سالىنۋى مۇمكىن. اعىمداعى جىلدىڭ جەلتوقسان ايىندا گەرمانيادان العاشقى 5ەۋروستاندارتتىق 20 اۆتوبۋس پارككە كەلىپ تۇسەدى دەپ كۇتىلۋدە.

«الماتى قالاسىندا ترانسپورتتىق ينفراقۇرىلىمىن جەتىلدىرۋ سۇراقتارىنا زور كوڭىل بولىنەدى. ءبىزدىڭ بۇل باعىتتاعى ەڭ نەگىزگى كريتەريىمىز – ساپالى اۆتوپاركتەر، جوعارى دەڭگەيدە قىزمەت كورسەتۋ جانە ءبىلىمدى دە بىلىكتى ماماندار دايىنداۋ بولماق. بۇل اۆتوبۋستار شاھارىمىزدىڭ شىرايىن كەلتىرىپ، اسىرەسە ۋنيۆەرسيادا-2017 قارساڭىندا «مەرسەدەس» ماركالى اۆتوبۋستارىنىڭ ساپاسى مەن جايلىلىعىن كەز-كەلگەن جولاۋشى مەن قوناقتار دا سەزىنىپ، باعاسىن بەرەدى دەگەن ويدامىن»- دەدى قالا اكىمى.

«Daimler Bus» ديرەكتورىنىڭ سوزىنە وراي، سولتۇستىك ەۋروپاداعى ماركەتينگ جانە ساتۋ بويىنشا، شىعىس ەۋروپا جانە ورتالىق ازيا حاكان يونسسونانىڭ – تەك قانا قازاقستاندا ەمەس، ورتالىق ازياداعى العاشقى جوباسى بولىپ سانالادى.

«قۋانتارلىعى، قالا اكىمدىگى جولاۋشىلار كولىگى جوباسىن بەلسەندىلىكپەن قولداۋدا. ءبىز جەتىستىككە جەتۋ ءۇشىن ەكىجاقتىلىق ارىپتەستىككە زور سەنىم ارتامىز. جالپى «مەرسەدەس» اۆتوبۋسى ەكولوگيالىق جاعدايدى جاقسارتىپ، قوعامدىق كولىكتەردىڭ ينفراقۇرىلىمىن ءبىر قالىپقا ءتۇسىرىپ، ءوز ۇلەسىن قوسادى دەپ ويلايمىن»- دەدى ح.يونسسون ءسوزىن جالعاستىرىپ.

سونىمەن قاتار قالا اكىمى گەرمان فەدەراتسيالىق رەسپۋبليكاسىنىڭ قازاقستانداعى ەلشىسى رولفوم مافاەلەممەن جانە الماتى قالاسىنداعى گفر باس كونسۋلى يورن روزەنبەرگپەن كەزدەستى. كەزدەسۋ بارىسىندا بولاشاقتا ارىپتەستىك بايلانىستى نىعايتۋ سۇراقتارى كەڭىنەن قاراستىرىلدى.

الماتىنىڭ مەيمانحانا كلاستەرى الەمدىك برەندتىڭ «Kempinski Grand Asia» مەيمانحاناسىمەن تولىعادى.

abai.kz