"91" تۋرالى سۇرادى...
ايتايىن...
مەنىڭ بالالارىمداي عانا ورىمدەي جاستار. ءوز زامانىنىڭ ءسانىن قۋعان جاسوسپىرىمدەر. اۋىزدارىنان انا ءسۇتى كەپپەگەن دەۋگە بولادى... قابىرعاسى قاتىپ، بۇعاناعى بەكىپ، قالىپتاسىپ كەلە جاتقاندا تۆداعى ۇلكەن اعالارى مەن اپالارى ولاردىڭ الدارىنا نەنى توستى - سونى ءسىمىردى... ولاردى كارىس سەريالدارى تاربيەلەدى... سول كورگەن "قاھارماندارىنا" ەلىكتەدى.
ەلىكتەۋ جاعىنان جاس تۇرماق، ۇلكەندەردىڭ ءوزى الدىمىزعا جان سالمايمىز. ولارعا نە دەپ كىنا ارتقانداي-اقپىز؟
ارقايسىسىڭىزدىڭ ءدال سولارداي ورىمدەي بالعىن جاسىڭىز بار - ءبىرىڭىزدىڭ ۇلىڭىز، ءبىرىڭىزدىڭ قىزىڭىز، ءبىرىڭىزدىڭ ءىنى-قارىنداسىڭىز... سونداي جاستى لايدان الىپ، بوققا سالدىڭىزدار، بوقتان الىپ لايعا باتىردىڭىزدار. قالاي اۋىزدارىڭىز بارادى؟ قالاي قياسىزدار؟
ءسىز بەن ءبىزدىڭ جاس كەزىمىزدە نە ءسان بولدى؟ كالا-كالا شالبار ما؟ كيدىك پە؟ كيدىك. بانان شالبار ما؟ كيدىڭىزدەر مە؟ كيدىڭىزدەر. شاشتارىڭىزدى جەلكەگە دەيىن جالبىراتىپ ءوسىرىپ، "بيتلز"-گە ەلىكتەتىڭىزدەر مە؟ ەلىكتەدىڭىزدەر... تسويعا شە؟ وعان دا ەلىكتەدىڭىزدەر... ياعني، جاستىققا ءتان مىنەزى ءۇشىن، جاستىققا ءتان قاتەلىگى ءۇشىن ادامدى سوتتاۋعا، "ولتىرۋگە", "ازعىن" دەپ داتتاۋعا قالاي اۋىزدارىڭىز بارادى؟
سىرتقى كيىم، فورما - ىشكى مازمۇندى سيپاتتاي بەرمەيدى. ولاردىڭ سىرتقى ءتۇرى، كيىمى سونداي ەكەن دەپ ولاردى "گەي" دەۋگە مورالدىق قاقىمىز بار ما؟ كوزىمىزبەن كورىپ، قولىمىزبەن ۇستادىق پا؟ ساحنالىق وبراز دەگەن بولادى... جارايدى، ول باسقا اڭگىمە...
جوق، ونداي وبرازدارىن قۇپتايمىن دەمەيمىن. بىراق تۇسىنەمىن. قابىلداي المايمىن، بىراق "سەندەردىڭ تالعامدارىڭدى وسىلاي قالىپتاستىرىپ تاربيەلەگەن قازاق تۆ-سىنا قارعىس بولسىن" دەيمىن...
"ولاي كيىنبەڭدەر" دەۋگە دە قاقىم جوق. جەكە شارۋاسى، اتا-اناسى دا ەمەسپىن. ءوز بالالارىمىزعا ءسوزىمىز ءوتۋى قيىن قازىر... ءوز بالامداي بالامەن جاعالاسىپ، ولارعا اۋزىما كەلگەندە "وتتاي" بەرسەم، مەنىڭ كىم بولعانىم؟
ال جارايدى، ولار "نامىسسىز" ەكەن... ۇلتتىق نامىستان جۇرداي ەكەن... قازاق دەگەن "ۇلى" اتقا لايىق ەمەس ەكەن...
سوندا ءسىز بەن ءبىز بە ۇلى قازاق؟
"ۇلتىن سۇيگەن ۇلى قازاق" بولساڭىز، قايسىڭىز "الاش" توبىن تىڭداپ قارىق قىپ تاستادىڭىز؟ كىم ءداستۇرلى ءان تىڭدايدى؟ 10 ادام شىقسا - وعان دا راحمەت... ۇلتتىق كەلبەتى بار، "مەن - قازاقپىن" دەپ مەنمۇندالاپ تۇرعان "الاشتى" نەمەسە "قوڭىردى" بارلىق قازاق جاقسى كورىپ، اندەرى اۋىزدان اۋىزعا تاراپ، مىڭداعان كورەرمەندەرى زالعا سىيماي جاتقان كەزى بولدى ما؟ ءداستۇرلى ءاندى دە تىڭدامايسىزدار عوي...
ءسىز بەن بىزگە ۇنامايدى ەكەن دەپ، "91"-ءدىڭ تىڭداۋشىسى ازايىپ كەتپەيدى، ولاردى جاستار تىڭدايدى، جاقسى كورەدى. ال، ۇيدەگى جاسىڭىزدى "تىڭداما" دەپ تىيىپ كورىڭىز...
بايعۇستاردىڭ اقتوبەدەگى كونتسەرتتەرىنە "سرىۆ" جاساپ...
مىقتى بولساق، نەگە نيكابشىلاردى، حيدجابشىلاردى، ساقال قويما دەپ باحاۆيتتاردى تىيمايمىز؟.. ارينە، ولارعا كۇشىمىز جەتپەيدى... مىسالى، ءبىزدىڭ ۇكىمەت ءۇش ءجۇز بالەنباي گرانت ءبولىپ، ءدىني وقۋدى وقىتۋعا جاستاردى تارتىپ جاتىر - ال ول ءدىني وقۋدىڭ نە ەكەنى ءبىر اللاعا ايان... باحاۆيستەردىڭ باسىندا شەتەلدەردە وقىپ كەلگەن "يمامدار" تۇرعانىن ەسكەرسەك - 323 گرانت بولىنگەن بۇل ءدىني وقۋ دا كۇماندى، ۇلتىمىزعا، مەملەكەتىمىزگە كەلگەن "وبا".
قىسقاسى...
ونەرگە قادام باسقان جاستاردىڭ ونەرىنە تابىس تىلەيىك. ەلىكتەۋ-سولىقتاۋى دا باسىلار، اقىل دا توقتاتار...
ال كاسىبيلىكتەرىنە داۋىم جوق. داۋىستارى ادەمى، تازا، تۇنىق. ونەرلەرى ورلەي بەرسىن!
ال، مەنى تالاپ جەڭدەر...
* بۇرىن بۇنداي توپتىڭ بارىن بىلمەيتىن ەدىم، سىزدەردىڭ ارقالارىڭىزدا تانىستىم. راحمەت.

ساۋلە ابدىلاحانقىزى، تەاترتانۋشى، جۋرناليس "اقجۇنىس" جۋرنالىنىڭ باس رەداكتورى

جازبا ساۋلە ابدىلاحانقىزىنىڭ facebook پاراقشاسىنان الىندى.