قىتايدىڭ ەكونوميكالىق ءوسىمىنىڭ بايالاۋى جانە الەمدە شيكىزات قۇنىنىڭ ءتۇسۋى كەزىندە Bloomberg  اگەنتتىگى ميللياردەرلەر يندەكسىن ەسەپتەپ شىقتى، دەپ حابارلايدى رەسەيلىك «ەحو موسكۆى» راديوسى. 

2012 جىلدان باستاپ ەسەپتەلەتىن يندەكستىڭ تومەندەۋى ءبىرىنشى رەت بايقالىپ وتىر. 28 جەلتوقسانداعى دەرەك بويىنشا تىزىمدەگى 400 اۋقاتتى ادامنىڭ بايلىعى 3,9 ترلن دوللار بولعان. بۇل اقش، قىتاي جانە جاپونيانى ەسەپكە الماساق، الەمدەگى كەز كەلگەن مەملەكەتتىڭ ءجىو-سىنەن اسىپ جىعىلادى.

ميللياردەر رەيتينگىسىنىڭ باسىندا بىلتىردان بەرى Microsoft نەگىزىن سالۋشى بيلل گەيتس تۇر. ونىڭ بايلىعى 83,6 ملرد دوللار. ول 2015 جىلمەن سالىستىرعاندا 3  ملرد دوللارعا «كەدەيلەنىپ» قالعان.

Abai.kz