وقو ءىىد جەرگىلىكتى پوليتسيا قىزمەتى تابيعاتتى قورعاۋ -2016» شۇعىل الدىن الۋ رەيدتىك ءىس-شاراسى اياسىندا وبلىستىق تابيعي رەسۋرستار، تابيعات پايدالانۋدى رەتتەۋ باسقارماسىمەن بىرلەسە وسى جىلدىڭ ەكىنشى قازانىندا شىمكەنت قالاسى بوزارىق اينالما اۋماعىندا سازدى توپىراقتى زاڭسىز قازىپ الۋ دەرەكتەرىن انىقتاپ، توقتاتقان.  

رەيد كەزىندە پوليتسەيلەر 1976 جانە 1956 جىلعى ازاماتتاردى، وزدەرىنىڭ  باسقارۋىنداعى جەر قازۋ كولىگىمەن (ەكسكوۆاتورمەن) جەردى قازىپ جاتقاندا قۇرىقتادى. ولار پوليتسەيلەرگە جەر قويناۋىن پايدالانۋعا رۇقسات بەرەتىن ەشقانداي ناقتى قۇجات كورسەتە الماعان. ناتيجەسىندە 2 جەر قازۋ كولىگى مەن سول جەردە تۇرعان 7 جۇك تاسۋ كولىكتەرى  زاڭدى شەشىم قابىلداعانعا دەيىن اقىلى ايىپتۇراققا توعىتىلىپ، بەس جۇك كولىگىنە اكىمشىلىك حاتتاما تولتىرىلدى.

سونداي-اق، قۇقىق قورعاۋ ورگان وكىلدەرى اتالعان جۇك كولىكتەرىنىڭ جۇرگىزۋشىلەرىنە قر اقبتك-ءنىڭ 630-بابىنىڭ تالابىن (جول جابىندىسىن لاستاۋ) بۇزعانى ءۇشىن، جالپى 275 مىڭ 730 تەڭگە ايىپپۇل سالدى. 

قازىرگى تاڭدا اتالعان دەرەكتەر بويىنشا قر قك-ءنىڭ 334-بابى (جەر قويناۋىن ءوز بەتىنشە پايدالانۋ) بويىنشا  قىلمىستىق ءىس قوزعالدى. سوتقا دەيىنگى تەرگەپ-تەكسەرۋ  امالدارى جۇرگىزىلۋدە. 

ايتا كەتەيىك، وقو ءىىد جەرگىلىكتى پوليتسيا قىزمەتىنىڭ وكىلدەرى، جەر قويناۋىن زاڭسىز پايدالانۋ، ونىڭ ىشىندە كەڭ تارالعان پايدالى قازبالاردى (قۇم-تاس قوسپاسى، توپىراق، ت.ب) زاڭسىز قازۋ، تاسمالداۋ، ساتۋدى انىقتاۋ، الدىن الۋ جانە  جولىن كەسۋ ماقساتىندا جىل باسىنان بەرى  «تابيعاتتى قورعاۋ -2016» شۇعىل الدىن الۋ ءىس-شاراسىن ۇزدىكسىز جۇرگىزىپ كەلەدى.

وقو ءىىد جپق ءباسپاسوز قىزمەتى