وڭتۇستىك قازاقستان وبلىسىندا 19-28 قىركۇيەك ارالىعىندا ەكولوگيالىق قىلمىس پەن قۇقىقبۇزۋشىلىقتاردى انىقتاۋعا جانە جولىن كەسۋگە باعىتتالعان «براكونەر» جەدەل-پروفيلاكتيكالىق ءىس-شاراسى ءوتتى.  ءىس-شارانى ءتيىستى دەڭگەيدە ۇيىمداستىرىپ وتكىزۋ ماقساتىندا،  بارلىق مۇددەلى ورگان وكىلدەرىنەن تۇراتىن 53 ۇتقىر توپ قۇرىلدى. ونىڭ ىشىندە باسقا تابيعاتتى قورعاۋ ورگاندارىمەن بىرلەسكەن توپتار سانى - 28. جۇمىلدىرىلعان جەكە قۇرام سانى – 335 جانە  تابيعاتتى  قورعاۋ ورگاندارىنىڭ قىزمەتكەرلەرىنىڭ سانى - 37.

اتقارىلعان جۇمىستار ناتيجەسىندە، تابيعاتتى قورعاۋ زاڭنامالارىن بۇزعانى ءۇشىن 8 ەكولوگيالىق قىلمىس  پەن  121 اكىمشىلىك قۇقىقبۇزۋشىلىق  انىقتالعان. اتالعان اكىمشىلىك فاكتىلەر بويىنشا جالپى 429 499 تەڭگە مولشەرىندە ايىپپۇل سالىندى.

سونىمەن قاتار، زاڭسىز اڭشىلىق جاساعانى ءۇشىن 1 قىلمىس (قر قك-ءنىڭ 337-بابى). انىقتالدى. مىسالى، رەيدتىك ءىس-شارالار جۇرگىزۋ بارىسىندا سوزاق اۋدانى، قۇمكەنت اۋىل وكرۋگىنە قاراستى بەتپاق دالادا قۇمكەنت اۋىلىنىڭ تۇرعىندارى «زيل» ماركالى اۆتوكولىگىمەن اڭشى مىلتىعى  جانە پروجەكتور پايدالانىپ تۇنگى مەزگىلدە زاڭسىز اڭشىلىق جاساپ جۇرگەن جەرىنەن انىقتالىپ ۇستالدى. وقيعا ورنىنان ايعاقتى زات رەتىندە 1-دانا ءىىو-دا تىركەلمەگەن 16 كاليبرلى №ي-51771 ساندى تەگىس ءبىر ۇڭعىلى اڭشى مىلتىعى، 18-دانا پاترون،1-دانا جارىق بەرۋ قۇرالى /پروجەكتور/ جانە زاڭسىز اتىلىپ الىنعان ءبىر بورسىق اڭىنا ۇقساس اڭ دەنەسى، 2 قويان اڭىنىڭ دەنەسى الىندى. اتالعان دايەك بويىنشا سوزاق ءاىىب-مەن قر قك-ءنىڭ 337-بابى 1-بولىمىمەن  /زاڭسىز اڭشىلىق/ سوتقا دەيىنگى تەرگەپ- تەكسەرۋ جۇمىستارى جۇرگىزىلۋدە.

سونداي-اق، رەيد كەزىندە پوليتسيا قىزمەتكەرلەرى  جاسىل ەكپەلەردى كۇتىپ-ۇستاۋ جانە قورعاۋ قاعيدالارىن بۇزۋدىڭ 5 دەرەگى انىقتاعان.

اباي اقپارات