وڭتۇستىك قازاقستاندا ەل تاۋەلسىزدىگىنىڭ 25 جىلدىعىنا 25 يگى ءىس-شارا اياسىندا وتكىزىلگەن تاۋ شىڭىن باعىندىرۋ فەستيۆالى ءوز مارەسىنە جەتتى.

وقو اكىمدىگىنىڭ ۇيىتقى بولۋىمەن قولعا الىنعان 3 كۇندىك شاراعا 27 الپينيست قاتىسىپ، 4100 مەترلىك شىڭدى باعىندىردى. بۇل جولعى فەستيۆالدىڭ ەرەكشەلىگى سول، شاراعا شەت ەلدىك قوناقتار دا قاتىسىپ، فەستيۆال حالىقارالىق سيپاتقا يە بولدى.

اۋا رايىنىڭ كۇرت وزگەرۋىنە قاراماي تاۋعا ورمەلەگەن سپورتشىلار «تاۋەلسىزدىك شىڭىنا» شىعىپ، كوك تۋىمىزدى جەلبىرەتتى.

فەستيۆالدىڭ باستى ماقساتتارىنىڭ ءبىرى دە وسى بولاتىن.

ەگەمەندىكتىڭ شيرەك عاسىرلىق مەرەكەسىندە سالاۋاتتى ءومىر سالتىن قالىپتاستىرىپ، تابيعاتتى ايالاۋعا شاقىرعان قاتىسۋشىلار داستۇرگە اينالعان شارانىڭ كەلەسى جىلى دا جالعاسىن تاۋىپ، ۇمىتكەرلەردىڭ سانى ارتاتىنىنا سەنىمدەرى مول ەكەندىكتەرىن جەتكىزدى.

وقو اكىمىنىڭ ءباسپاسوز قىزمەتى