وڭتۇستىك قازاقستان وبلىسى اكىمىنىڭ ورىنباسارى ۇ.سادىبەكوۆ جۇمىس ساپارىمەن تۇلكىباس اۋدانىندا بولىپ، ەلدى-مەكەندەردى ارالادى. بۇل تۋرالى "اباي اقپارات" پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

الدىمەن، جۇمىسشى توپ تۇلكىباس اۋدانى، كەلتەماشات اۋىلىنداعى اۋىسىمىنا 25 ادام قابىلدايتىن دارىگەرلىك امبۋلاتوريانىڭ قۇرىلىسىمەن تانىستى. امبۋلاتوريا قۇرىلىس جۇمىستارىن جۇرگىزىپ جاتقان «اق نۇر-ستروي» جشس-ءنىڭ وكىلىمەن كەزدەسىپ، قۇرىلىستى ساپالى اياقتاۋدى مىندەتتەدى. 

سونىمەن قاتار وبلىس اكىمىنىڭ ورىنباسارى ۇ.سادىبەكوۆ ساستوبە پوسەلكەسىندەگى اپپاتى دەپ تانىلعان اۋرۋحانا مەن كۇردەلى جوندەۋدى قاجەت ەتەتىن مادەنيەت ۇيىندە بولىپ، الداعى جىلدارى قارجى ءبولىپ، اتالعان نىساندارعا قۇرىلىس جۇمىستارىن جۇرگىزۋگە قۇجاتتارىن دايىنداۋدى تاپسىردى. 

سونداي-اق، ول «جۇمىسپەن قامتۋ 2020» باعدارلاماسى بويىنشا كۇردەلى جوندەۋ جۇمىستارى ءجۇرىپ جاتقان ازاتتىق اۋىلىنداعى مادەنيەت ءۇيى مەن الداعى كۇنى ەل يگىلىگىنە بەرىلەتىن ت.رىسقۇلوۆ اۋىلىنداعى 600 ورىندىق مەكتەپتىڭ قۇرىلىسىمەن تانىستى.

ءىس-ساپاردىڭ جالعاسى اۋدان اكىمدىگىندە جالعاسىپ، وبلىس اكىمىنىڭ ورىنباسارى ۇ.سادىبەكوۆتىڭ قاتىسۋىمەن قر تاۋەلسىزدىگىنىڭ 25 جىلدىعىنا وراي اۋداندا اتقارىلىپ جاتقان جانە الداعى ۋاقىتتا اتقارىلاتىن جۇمىستاردى تالقىلاۋ ماقساتىندا جيىن وتكىزىلدى.

تۇلكىباس اۋدانى اكىمىنىڭ ءباسپاسوز قىزمەتى