جاقىندا تەرىسكەيلىكتەر  «ەڭبەك كۇنى» مەرەكەسىن اتاپ ءوتتى. شارا اياسىندا اۋدان ورتالىعىندا اۋىلشارۋاشىلىق ونىمدەرىنىڭ جارمەڭكەسى ۇيىمداستىرىلدى. ون ەكى اۋىل وكرۋگىنىڭ شارۋالارى وزدەرى شىعارعان ونىمدەردى اۋدان حالقىنا ءتيىمدى باعادا ۇسىندى.

اۋدان اكىمى م. يساەۆ بارشا ەڭبەك ادامدارىن اتاۋلى كۇنمەن قۇتتىقتاپ، بىرقاتتار وزات جاندارعا العىس حات تاپسىردى. قىزىلكول ەلدى مەكەنىندەگى «قايرات» بالاباقشاسىنىڭ باسشىسى، ەڭبەك وزاتى ن. تولەۋوۆا بارشا اۋدان حالقىن قۇتتىقتاپ، تالماي ەڭبەك ەتۋگە شاقىردى. مەرەكەگە وراي بەزەندىرىلگەن ورتالىق الاڭدا اۋداندىق مادەنيەت ءۇيى قىزمەتكەرلەرى قويعان كونتسەرتتىك باعدارلاماعا ۇلاستى.  

ايتا كەتۋ كەرەك، ەلباسى ن.نازارباەۆتىڭ جارلىعى بويىنشا ەلىمىزدە قىركۇيەك ايىنىڭ سوڭعى جەكسەنبىسى – «ەڭبەك كۇنى» مەرەكەسى بولىپ بەلگىلەنگەن.

يندۋستريالدى ايماقتاعى زاۋىتتاردى ارالادى

اۋدان اكىمى م. يساەۆ، اۋدان ورتالىعىنداعى يندۋستريالدى ايماقتاعى جۇمىس ىستەپ جاتقان بىرنەشە زاۋىتتىڭ جۇمىسىن ارالادى.  شاعىن جانە ورتا كاسىپورىنداردى ءبىر جەرگە شوعارلاندىرىلعان يندۋستريالدى ايماقتا  بۇگىندە 4 زاۋىت جۇمىس ىستەپ جاتىر. «UKO-S Star» جشس-نىڭ «ۋران ءوندىرۋشى كاسىپورىندارعا ارناپ مەتالل بوشكەلەر شىعارۋ زاۋىتى»، «بلاگو ليزينگ نپز» جشس-ءنىڭ «ۋران  ءوندىرۋشى كاسىپورىندارعا ارنالعان قۇرال جابدىقتار شىعارۋ زاۋىتى»،  «دارحان-اس» وك-نىڭ«يودتالعان اس تۇزىن شىعاراتىن زاۋىتى «سىرلى سوزاق» جشس-ءنىڭ «پوليمەر قالدىقتارىن قايتا وڭدەۋ، تومەنگى قىسىمعا ارنالعان پوليەيلەن قۇبىرىن شىعارۋ» جوباسى. اتالعان زاۋىت جۇمىسىن كوزبەن كورگەن اۋدان باسشىسى، قارقىندى ىستەپ جاتقان زاۋىت جۇمىسىنا ريزاشىلىعىن ءبىلدىردى. اتاپ ءوتۋ كەرەك،  يندۋستريالدى ايماقتا جۇمىسىن ىستەۋگە تاعى بىرنەشە زاۋىت جوبالارىن ۇسىنىپ وتىر.

Abai.kz